Հունաստանում քննարկվում է ցեղասպանությունների խեղաթյուրումը քրեականացնող օրինագիծ

Միջազգային09:00, 31 Մայիս 2013

Հունաստանում քննարկվում է ցեղասպանությունների խեղաթյուրումը քրեականացնող օրինագիծ

Հունաստանի խորհրդարան է ներկայացվել օրենքի մի նախագիծ, ըստ որի, քրեական պատասխանատվության և դրամական տուգանքի պետք է ենթարկվեն նրանք, ովքեր հունական օրենսդիր իշխանությունների կողմից ճանաչված ցեղասպանությունները կփորձեն խեղաթյուրել: Նշենք, որ Հունաստանի խորհրդարանը 1994-ին ճանաչել է պոնտոսցի հույների, 1996-ին` հայերի, 1998-ին` Փոքր Ասիայի հելլենիստների ցեղասպանությունները:

Այս մասին տեղեկացնող թուրքական «Հյուրրիյեթ» թերթը նաև նշում է, որ օրինագիծը պատրաստվելէ խտրականության դեմ պայքարի շրջանակներում: Համաձայն այդ օրինածի` վերոնշյալ ցեղասպանությունների իսկության լրջությունը թերագնահատողների համար սահմանվում է 3-36 ամիս բանտարկության և 5-20 հազար եվրո տուգանքի պատժաչափ:

Օրենքի ընդունման դեպքում սահմանված պատիժը կկիրառվի բոլոր նրանց հանդեպ, ովքեր բանավոր, գրավոր կերպով կամ էլեկտրոնային մամուլով այդ ցեղասպանությունների իսկությունը կփորձեն խեղաթյուրել:

Ermenihaber.am