Օբաման Սիրիայի հարցով կարգադրություններ է արել Պենտագոնին

Միջազգային06:44, 30 Մայիս 2013

Օբաման Սիրիայի հարցով կարգադրություններ է արել Պենտագոնին

Թուրքական լրատվամիջոցները, հղում տալով ամերիկյան «The Daily Beast» կայքին, միաբերան պնդում են, որ Օբաման Պենտագոնին կարգադրել է պատրաստվել Սիրիայում թռիչքի համար արգելված գոտի սկսելու աշխատանքներին:

Ամերիկյան կայքը, մեջբերելով 2 բարձրասիտիճան պաշտոնյաների, նշում է, որ գործընթացում ԱՄՆ-ի հետ միասին հնարավոր է, որ Անգլիան և Ֆրանսիան էլ ներգրավվեն: Պաշտոնյաներից մեկի փոխանցմամբ «Սպիտակ տունը դեռևս քննարկումների փուլում է, սակայն այս հարցում ուղի են որոնում և այժմ այս հարցը հասունացած է: Նպատակն է, Ասադին քաղաքական լուծման կողմ դարձնել, սակայն, Ժնևի կոնֆերանսի անհաջողության դեպքում այլ հնարավոր տարբերակներ պատրաստելը խելամիտ կլինի»:
Այս լուրերի առնչությամբ Սպիտակ տունը հայտարարտությամբ է հանդես եկել: Հայտարարությունում ասվում է. «Նոր նախագիծ չկա, հրամանատարական կազմը և մեր մասնագետները շարունակում են նաև ռազմական գործողություններ ներառող խելամիտ ծրագրեր պատրաստել»:

Ermenihaber.am