Թուրք-թուրքմենական հարաբերությունների զարգացում

Միջազգային09:37, 30 Մայիս 2013

Թուրք-թուրքմենական հարաբերությունների զարգացում

Թուրքիայի նախագահ Աբդուլլահ Գյուլը պաշտոնական այցով գտնվում է Թուրքմենստանում, որտեղ նրան արժանացրել են շքեղ ընդունելության: Գյուլի պատվին երկրի կենտրոնական հրապարակում ընդունելության պաշտոնական միջոցառում է կազմակերպվել:

Թուրքական լրատվամիջոցների տեղեկացմամբ` այդօրինակ ընդունելություն թուրքմենական իշխանություններւ նախկինում արած չեն եղել ոչ մի հյուրի համար: Գյուլին շնորհվել է Թուրքմենստանի պետական շքանշան, որը Գյուլը համարել է երկու երկրների հարաբերությունների զարգացման ու լավ հեռանկարի խորհրդանիշ: Կողմերը վճռականություն են հայտնել շարունակել համագործակցության խորացումը տնտեսական, սոցիալական, մշակութային և այլ ոլորտներում: Ընդհանուր պատմություն, լեզու, մշակույթ ունեցող թուրք և թուրքմեն ժողովուրդների առաջնորդները պատրաստակամություն են հայտնել ամրապնդել իրենց եղբայրական հարաբերությունները:

Նախատեսված է Գյուլի և Թուրքմենստանի նախագահ Գուրբանգուլի Բերդիմուհամեդովի առանձնազրույցը, ինչպես նաև հանդիպում երկու երկրների պատվիրակությունների միջև:

Ermenihaber.am