Սիրիայի հարցում ո՞վ է փոխել կարծիքը` Էրդողա՞նը, թե՞ Օբաման

Միջազգային06:30, 23 Մայիս 2013

Սիրիայի հարցում ո՞վ է փոխել կարծիքը` Էրդողա՞նը, թե՞ Օբաման

Թուրքական «Յենի շաֆաք» թերթը տեղեկացնում է, որ Թուրքիայի վարչապետ Ռեջեփ Թայիփ Էրդողանը «Արդարություն և զարգացում կուսակցության» կենտրոնական խորհրդի նիստի ժամանակ խոսել է մի շարք հարցերի շուրջ և ներկայացրել է Վաշինգտոն կատարած այցելության մանրամասները:
Վարչապետը նշել է, որ նախագահ Օբամայի հետ հանդիպումից հետո ԱՄՆ-ը Սիրիայի հարցում իր մոտեցումը փոխել է: 3 ժամ տևած հանդիպմանը, որին մասնակցել են նաև Թուրքիայի արտգործնախարար Ահմեթ Դավութօղլուն և ԱՄՆ պետքարտուղար Ջոն Քերին, որոշում է կայացվել օժանդակել Սիրիայի ընդդիմադիր ուժերին:
Ինչպես նաև նշվում է, որ կողմերը Սպիտակ տանը տեղի ունեցած հանդիպման ժամանակ «Սիրիան առանց Ասադի» հարցի շուրջ համաձայնության են եկել:

Նշենք, որ թուրքական մամուլում ակտիվորեն քննարկվում է, որ Էրդողանը ԱՄՆ այցելությունը ձախողեց` չկարողանալով Սիրիայի հարցում ցանկալի արդյունքի հասնել: Մասնավորպես, Էրդողանը Սիրիայում թռիչքների համար արգելված գոտու ստեղծման հարցում ԱՄՆ այցելությունից հետո հայտարարեց, որ այդ հարցում որոշման իրավունքը պատկանում է ՄԱԿ Անվտանգության խորհրդին` այն պարագայում, երբ մինչև ԱՄՆ այցը հայտարարում էր, թե ԱՄՆ-ի աջակցությամբ պետք է այն ստեղծել:

Ermenihaber.am