Sabah. Ինչի° մասին են խոսելու Օբաման ու Էրդողանը

Միջազգային12:15, 16 Մայիս 2013

Sabah. Ինչի° մասին են խոսելու Օբաման ու Էրդողանը

Քառօրյա պաշտոնական այցով Միացյալ Նահանգներում գտնվող Թուրքիայի վարչապետ Ռեջեփ Թայիփ Էրդողանը ժամեր անց հանդիպելու է Սպիտակ տան ղեկավար` Բարաք Օբամայի հետ: Թուրքական «Սաբահ» թերթն անդրադարձել է կողմերի քննարկելիք հնարավոր հարցերին:

Ըստ պարբերականի` օրակարգում առաջինն անշուշտ լինելու է սիրիական հարցը` ներառյալ Ռեյհանլըում կատարված ահաբեկչական հարձակումը:

«Իհարկե, Թուրքիայի նպատակը սիրիական ճգնաժամը զենք-զրահով լուծելը չէ: Սակայն Ասադի վարչակազմին մի լավ դաս տալ ուզում է: Էրդողանը ցանկանում է, որ այդ հարցում Օբաման անհրաժեշտ կեղվածք ցուցաբերի: Եթե ռազմական միջամտություն չլինի էլ, օդային տարածքի փաման հարցը կարող է գալ օրակարգ»,- գրում է «Սաբահ»-ը:

Նույն աղբյուրի համաձայն` կողմերը կխոսեն նաև Սիրիայում քիմիական զենքերի կիրառումից: Օբաման կասի, որ «կարմիր գիծն» արդեն անցել են, Էրդողանն էլ վրա կբերի, թե 6 ամիս առաջ են Ասադի ուժերն անցել նշյալ «կարմիր գիծը»:

Սիրիական խնդրից զատ Օբամա-Էրդողան հանդիպմանը ենթադրվում է, որ կխոսվի նաև իսրայելա-պաղեստինյան հիմնախնդրի մասին:

«ԱՄՆ կարևորում է Իսրայելի և Պաղեստինի միջև խաղաղ բանակցությունների վերսկսումը: Եվ ԱՄՆ-ն, և Իսրայելը չեն կամենում, որ խաղաղ բանակցությունների այդ գործընթացին միջամտի արտաքին այլ ուժ: Դրա համար էլ չի ողջունվում Էրդողանի` Գազայի հատված կատարելիք այցի գաղափարը»,- ընդգծում է պարբերականը:

Ermenihaber.am