Էրդողանը Թուրքիայում տեղի ունեցած պայթյունների համար մեղադրել է Սիրիային

Միջազգային18:18, 13 Մայիս 2013

Էրդողանը Թուրքիայում տեղի ունեցած պայթյունների համար մեղադրել է Սիրիային

Թուրքիայի վարչապետ Ռեջեփ Թայիփ Էրդողանը Թուրքիայի Հաթայ Նահանգի Ռեյհանլը շրջանում տեղի ունեցած պայթյունների մասին պարզաբանումներ է տվել լրագրողներին: Էրդողանը, նշելով, որ պաթյուններիի բացահայտմանն ուղղված աշխատանքները շարունակվում են, հայտնել է, որ արդեն առկա են կարևոր բացահայտումներ: Էրդողանը, այս դեպքերը կապելով Սիրիայի նախագահ Բաշար Ասադի ռեժիմի հետ, ասել է. «Շուտով իրականությունը ամբողջությամբ կբացահայտվի և ամեն ինչ պարզ կլինի: Սակայն դեպքը միանաշանակորեն Ասադի ռեժիմի հետ է կապված: Այս գործի հետևում Ասադի ռեժիմն է կանգնած: Դա պարզ է»:

Էրդողանն իր խոսքում նաև ափսոսանք է հայտնել` ասելով, որ Թուրքիայի ներսում Ասադի ռեժիմին օժանդակողներ կան:

Լրագրողների այն հարցին, թե արդյոք համապատասխանում են իրականությանը այն հայտարարությունները, որոնց համաձայն իրական թիրախը եղել է Անկարան, վարչապետ Էրդողանը պատասխանել է, որ այդ մասին ևս փաստաթղթեր են հայտնաբերել:

Հիշեցնենք, որ մայիսի 11-ին Թուրքիայի Հաթայի շրջանի Ռեյհանլը քաղաքի Աթաթուրքիփողոցում, որտեղ
գտնվում է նաև քաղաքապետարանը 15 րոպե ընդմիջումով 2 հզորպայթյուն է որոտացել, ինչի
հետևանքով սպանվել էր 46, վիրավորել 53 մարդ: