Արգենտինացի ֆուտբոլիստները հարգել են Հայոց ցեղասպանության հիշատակը

Ցեղասպանություն08:41, 25 Ապրիլ 2013

Արգենտինացի ֆուտբոլիստները հարգել են Հայոց ցեղասպանության հիշատակը

Արգենտինական «Բոկա Խունիոս» ֆուտբոլային ակումբը հարգանքի տուրք է մատուցել Հայոց ցեղասպանության զոհերի հիշատակին: Խաղի մեկնարկից առաջ ֆուտբոլիստները մարզադաշտում բարձրացրել են մեծադիր մի պաստառ` հետևյալ գրությամբ «Recordemos Todos El Genocidio Armenio» (Մի մոռացիր Հայոց ցեղասպանությունը):

Այս իրողությունն անհանգստացրել է թուրքական շրջանակներին, որոնք ֆուտբոլային թիմի գործողության մեջ փորձում են տեսնել արգենտինահայ համայնքի նախաձեռնությունը: Այնինչ երկրի ներսում «ժողովրդական թիմ» պատվավոր համբավը կրող ֆուտբոլային այս ակումբը հայտնի է մարդասիրական և քաղաքական հարցերում ունեցած իր դիրքորոշումը հրապարակավ արտահայտելու սովորությամբ:

Նշենք, Արգենտինան Հայոց ցեղասպանությունը ճանաչել է 2005 թվականի ապրիլի 20-ին: Արգենտինահայ համայնքը ձևավորվել Մեծ եղեռնից ու հատկապես երկրորդ համաշխարհային պատերազմից հետո։ Արգենտինահայերը մեծ մասամբ այնթափցիներ, հաճընցիներ և մարաշցիներ են: Բնակվում են հիմնականում Այրեսում, Մար դել Պլատայում, Ռոսարիոյում, Կորդովայում։

Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։