ERMENI HABER AJANSI

Թուրքիայի «Հյուրրիեթ» օրաթերթի տեղեկացմամբ` Թուրքիայի փոխվարչապետ Բյուլենթ Արընչը կառավարության շենքում ընդունել է Իսրայելից ժամանած պատվիրակությանը: Հանդիպմանը լրագրողներ չեն մասնակցել, այն ընթացել է դռնփակ պայմաններում:

Իսրայել պատվիրակությունը ներակայցնում էին վարչապետ Բինյամին Նեթանյահուի խորհրդականները: Հանդիպմանը քննարկվել է 2011-ին թուրքական «Մավի Մարմարա» նավի վրա իսրայելցի հատուկջոկատայինների հարձակման հետևանքով սպանված Թուրքիայի քաղաքացիների ընտանիքներին տրվելիք փոխհատուցման հարցը:

Մինչ Թուրքիայում ընթանում են իսրայելա-թուրքական հարաբերությունների բարելավմանն ուղղված քայլեր, ԱՄՆ պետքարտուղարի կոչը` երկու երկրների հարաբերությունների հետագա սրումից խուսափելու համար, բարկացրել է թուրքերին:
Թուրքական «Ջիհան» լրատվական գործակալությունը փոխանցում է, որ վարչապետի օգնական, կառավարության խոսնակ Բյուլենթ Արընչը պատասխանել  է ԱՄՆ Պետքարտուղար Ջոն Քերիի  կոչին: Վերջինս Թուրքիայի վարչապետ Ռեջեփ Թայիփ Էրդողանին կոչ էր արել չայցելել Գազայի հատված:

«Վարչապետի կամ թուրք այլ պաշտոնյայի, երբ և ուր գնալու մասին որոշում կայացնում է Թուրքիայի կառավարությունը: Այն վիճակում չենք, որ որևէ այլ իշխանության թույլտվությունը ստանանք կամ էլ համաձայնությունը նախապես ընդունենք: Սա և պարոն Քերին, և ամբողջ աշխարհը գիտի, որ  երբ և ինչ ուզենա, ի զորու է իրականացնել»,- հայտարարել էր Արընչը:
Լրագրողների այն հարցին, թե ինչպես է գնահատում, որ Ջոն Քերին նման հայտարարություն է արել տեսախցիկների առջև, Առընչը պատասխանել է. «Փորձառու արտգործնախարարը հաստատապես այդպես չէր վարվի: Եթե այդպիսի  կարծիք ուներ, ապա  մեր արտգործնախարարին կամ պարոն վարչապետին կարծիքի վերաբերյալ խորհուրդ կարող էր ներկայացնել»:

Ermenihaber.am