Թուրքիայի նախագահն ընդունել է Պաղեստինի ինքնավարության ղեկավարին

Միջազգային12:12, 22 Ապրիլ 2013

Թուրքիայի նախագահն ընդունել է Պաղեստինի ինքնավարության ղեկավարին

Թուրքիայի նախագահ Աբդուլլահ Գյուլը Ստամբուլի նախագահական պալատում ընդունել է Պաղեստինի ինքնավարության ղեկավար Մահմուդ Աբասին և քննարկել Մերձավոր Արևելքում խաղաղության հաստատման գործընթացը:

«CNNTurk» լրատվականի տեղեկացմամբ` Աբասը նախօրեին հանդիպել է Միացյալ Նահանգների պետքարտուղար Ջոն Քերրիի, ապա Թուրքիայի արտգործնախարար Ահմեթ Դավութօղլուի հետ: Գյուլ-Աբաս հանդիպման օրակարգում եղել է մայիս ամսին Թուրքիայի վարչապետ Ռեջեփ Թայիփ Էրդողանի` Գազա ծրագրված այցը, որը հետաձգելու ուղերձով նախօրեին հանդես էր եկել ԱՄՆ պետքարտուղարը:

Կողմերը մասնավորապես խոսել են Իսրայելի կողմից Թուրքիայից պաշտոնապես ներողություն խնդրելուց հետո Իսրայել-Պաղեստիին խաղաղության գործընթացում Թուրքիայի ստանձնելիք դերի մասին: Գյուլից հետո Պաղեստինի ղեկավարը հանդիպելու է վարչապետ Էրդողանի հետ:

Ermenihaber.am

Այս ենթաբաժնի վերջին նորությունները

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։