ԱՄՆ մարդու իրավունքների զեկույցում Թուրքիան քննադատվել է

Միջազգային07:45, 20 Ապրիլ 2013

ԱՄՆ մարդու իրավունքների զեկույցում Թուրքիան քննադատվել է

ԱՄՆ Պետքարտուղարությունը հրապարակել է մարդու իրավունքների մասին զեկույց, որտեղ անդրադարձ կա նաև Թուրքիային: Թուրքական «Վաթան» թերթը տեղեկացնում է, որ զեկույցում Թուրքիան ենթարկվում է խիստ քննադատության:

Զեկույցում մասնավորաբար նշվել է, որ «Իշխանությունը պայքարում է խոսքի ազատության դեմ», մամուլը և համացանցի ազատությունը սահմաափակող օրենքները դեռ պահպանվում են և բազմաթիվ լրագրողներ գտնվում են բանտերում, որոնց մեծ մասը դատվում է ահաբեկչության դեմ պայքարի շրջանակներում կամ անօրինական համարվող կազմակերպությունների հետ կապի մեջ լինելու փաստարկներով:

Զեկույցում նաև նշված է, որ լրագրողները, գիտականները, գրողները և պարզապես անհատները, իրենց նկատմամաբ հետաքննքության կամ դատական գործընթաց սկսվելու վախից խուսափում են քննադատել պետությանը և իշխանություններին:

Զեկույցում տեղ են գտել Թուրքիայի անվտանգության ուժերի կողմից իրականացված բռնության ու անօրինականության մասին բազմաթիվ հիշատակումներ` բողոքի ցույցերի արգելումից մինչև մարդու իրավունքների պաշտպանությամբ զբաղվող կազմակերպությունների գործողությունների խոչընդոտում: Ուշադրություն է հրավիրվել նար Թուրքիայի բանակում մարդու իրավունքների խախտման դեպքերի, սպանությունների ու ինքնասպանությունների մասին:

Ermenihaber.am