ERMENI HABER AJANSI

Եվրասիայի անվտանգության և ռազմավարական հետազոտություններ կենտրոնի նախագահ ազգությամբ թուրք Հաթեմ Ջաբարլըն հոդված է հրապարակել, որում խոսում է թուրք-հայկական հարաբերությունների  վիճակի, 2015 թվականին հայոց Ցեղասպանության 100 ամյակի դեմ համարժեք քայլեր ու ռազմավարություն մշակելու մասին և կառավարությանը կոչ է արվում  գործնական քայլերի դիմել:

 Մեղադրելով իշխանություններին անգործության մեջ` նա ասել է. «Ինչպիսի՞ն է լինելու ԱԶԿ-ի` (Արդարություն և զարգացում կուսակցություն)  մոտեցումներն ու վարած քաղաքականությունը  2015 թվականին հայերի այսպես կոչված ցեղասպանության 100 ամյակի միջոցառումներին վերաբերյալ: Պետությունն ի՞նչ պարտականություններ է   դրել Արտաքին գործերի նախարարության և Թուրքական պատմագիտական խորհրդի վրա: Իրականում կարելի է նույնիսկ ենթադրել, թե ինչպիսի կեցվածք են ունենալու այս երկու կառույցները»:

Այնուհետև Ջաբբարլըն, անդրադառնալով հայ-թուրքական հարաբերությունների ազդեցությանը թուրք- ադրբեջանական հարաբերությունների վրա, ասել է . «Վերջին տարիներին Թուրքիան, մի քանի անգամ փորձելով կարգավորել հարաբերությունները Հայաստանի հետ, լուրջ անհամաձայնություններ և նույնիսկ ճգնաժամ ունեցավ Ադրբեջանի հետ:

Թուրքիան մեծ պետություն է և կարող է Ադրբեջանի արձագանքները հաշվի չառնելով` Հայաստանի հետ փոխզիջումային ճանապարհով հարաբերությունները կարգավորել: Բայց դրանից Հայաստանի ու հայկական սփյուռքի թշնամությունը չի նվազի Թուքիայի նկատմաբ»:

 Ջաբբարլըն համոզմունք է հայտնել, որ Հայաստանը ոչ մի դեպքում չի հրաժարվի ցեղասպանության միջազգային ճանաչման գործընթացից, եթե նույնիսկ Թուրքիան նրա բոլոր պայմանները ընունի:

Նա, ևս մեկ անգամ Թուրքիայի կառավարությանը վճռական գործողությունների անցնելու կոչ անելով, ասել է, որ եթե Թուրքական կառավարությունը շարունակի թույլ տալ ներկա իրավիճակի շարունակությունը, ապա մի օր էլ կարող է ներողություն խնդրել չկատարած հանցանքի համար:

Նա մասնավորապես ասել. «Վերջին տարիներին Թուրքիայում հայերի տեսակետները պաշտպանող այնքան հավաքներ են անցկացվել ու այնքան տեղեկատվություն է ներհոսել, որ մտավորականությունը երկու մասի է բաժանվել: Մտավորականների նախաձեռնած «ներողության արշավը» դրա վառ ապացույցն է:

 Եթե մի երկրի վարչապետը կարող է թուրքականությունը ոտքի տակ առնել, եթե մի երկրի ներքին գործերի նախարարը 40 տարի ահաբեկիչ անվանվող ՔԲԿ-ի անդամներին  կարող է զինյալ անվանել, եթե կառավարությունը կարող է նախարարությունների ու պետական կառույցների անուններ դիմացից հանել Թուրքիայի հանրապետություն (ԹՀ) ձևակերպումը և լուրջ քննադատությունների չարժանանալ, ապա եթե Էրդողանը 2015 թվականին գնա Հաըաստան և ծաղկեպսակ դնի այսպես կոչված Ցեղասպանության հուշարձանին ու հայերից ներողություն խնդրի, նույնիսկ դա չի կարող անկեղծ լինել:

 Ermenihaber.am