Էրդողանը պատրաստվում է մեկնել Գազա

Միջազգային07:57, 15 Ապրիլ 2013

Էրդողանը պատրաստվում է մեկնել Գազա

Թուրքիայի վարչապետ Ռեջեփ Թայիփ Էրդողանը մասնակցել է թուրքական «Կարմիր մահիկ» կազմակերպության հերթական ժողովին և հանդես եկել ելույթով:

Նշենք, որ աշխարհի տարբեր աղետյալ գոտիներում մարդասիրական օգնություն առաքող միջազգային այս շարժմանը միացած ընկերությունները քրիստոնեական երկրներում պաշտոնապես անվանվում են «Կարմիր խաչ», Իսրայելում` «Կարմիր Դավթի աստղ», Իրանում` «Կարմիր առյուծ և արև»:

Թուրքական լրատվամիջոնցերի տեղեկացմամբ` Էրդողանը ստացել է խորհրդանշական նվեր` Գազայից ուղարկված ձիթենու ճյուղ: Թուրքիայի կառավարության ղեկավարը ներկաներին հայտնել է, որ մայիսի վերջին պատրաստվում է մեկնել շրջափակման մեջ գտնվող Գազայի հատված:

Հիշեցնենք, որ 2010-ի մայիսի 31-ին իսրայելական հատուկ ջոկատայինները գրոհել էին դեպի շրջափակված Գազա ընթացող թուրքական «Մավի Մարմարա» նավի վրա: Հարձակման հետևանքով սպանվել էր Թուրքիայի 8 քաղաքացի, որոնց մահվան համար Իսրայելի վարչապետը պաշտոնապես ներողություն խնդրեց Անկարայից բոլորովին վերջերս:

Ermenihaber.am