Տարածաշրջան08:16, 30 Մարտ 2013
Թուրքիան նպաստելու է թուրք մեսխեթցիների վերադարձին Վրաստան
Վրաստանում գտնվող Թուրքիայի արտաքին գործերի նախարար Ահմեթ Դավութօղլուն, մարտի 28-ին վրացի և
ադրբեջանցի գործընկերների հետ համատեղ մամուլի ասուլիսում հայտնել է, որ վրացական
իշխանությունների հետ աշխատանքներ են տարվում Ախալցխայի թուրքերին (մեսխեթցիներ)
Վրաստան վերադարձնելու համար:
«Այդ մարդիկ խորհրդային վարչակարգի կողմից
վտարվել են իրենց հայրենիքից: Այդ հողերը ինչքան Վրաստանինն են, նույնքան
էլ` իրենցը»,- ասել է Դավութօղլուն:
Ըստ թուրքական «Habervitrini» լրատվական կայքի` թուրք նախարարը նաև նշել է, որ
մեխեթցի թուրքերին Վրաստան վերադարձնելու գործընթացում Անկարան աջակցելու
պատրաստակամություն ունի` ավելացնելով. «Սա քաղաքական հարց չէ, սա հումանիտար հարց
է: Թուրքիան պատրաստ է անել ամեն բան այս մարդկանց իրենց հայրենիք վերադարձնելու
համար»:
Ավելի վաղ Վրաստանի և Թուրքիայի վարչապետները
քննարկել էին մեսխեթցի թուրքերի իրենց բնակության վայրեր վերադարձի հարցը: Էրդողանը հայտարարել էր, թե ուրախ է, որ վարչապետ Իվանիշվիլին այդ հարցում ունի դրական մոտեցում: Մանավանդ, որ 1999թ. դառնալով Եվրոպայի Խորհրդի (ԵԽ) 41-րդ անդամը` Վրաստանը պարտավորվել էր ապահովել թուրք-մեսխեթցիների վերադարձը:
Վրաստանի ստանձնած այդ
պարտավորությունը մտահոգիչ է ջավախահայության համար, քանի որ թուրքերի վերադարձը ռազմավարական տեսանկյունից մեծ սպառնալիք է Ջավախքին. շատ արագ կարող
է փոխվել շրջանի ժողովրդագրական պատկերը:
Հիշեցնենք, որ 1917-ին պատրաստվելով արշավել Անդրկովկաս` Թուրքիան Ախալցխայի
թուրքերին դրդել էր խռովության: Թուրքիայից օգնություն ստացած մեսխեթցի թուրքերը
հարձակվել են Ախալցխա քաղաքի վրա, որի բնակչության 82 տոկոսը հայեր էին: Երկրորդ
աշխարհամարտի ժամանակ Ստալինի հրահանգով մեսխեթցի թուրքերն
արտաքսվեցին Ախալցխայի հողերից` որպես ապակայունացնող ու անհուսալի տարր:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |