Նաֆթալի Բեննեթ. «Էրդողանը անում է ամեն բան, որ Իսրայելը զղջա ներողություն խնդրելու համար»

Միջազգային09:28, 28 Մարտ 2013

Նաֆթալի Բեննեթ. «Էրդողանը անում է ամեն բան, որ Իսրայելը զղջա ներողություն խնդրելու համար»

Թուրքական «Հյուրրիյեթ» թերթի տեղեկացմամբ` Իսրայելի արդյունաբերության և առևտրի նորանշանակ նախարար, «Հրեաների տուն» կուսակցության առաջնորդ Նաֆթալի Բեննեթը, քննադատել է Իսրայելի ներողությունից հետո Թուրքիայի վարչապետի հայտարարությունները:

«Էրդողանը կարծես ամեն ինչ անում է, որ Իսրայելը զղջա ներողություն խնդրելու համար: Նա Իսրայել-Թուրքիա հարաբերությունների հաշվին անձնական և անխիղճ արշավ է տանում: Իսրայելը որևէ երկրի հետ հարաբերություն կարգավորելուց օգուտ չքաղեց: Էրդողանը պետք է հասկանա, որ եթե մենք ահաբեկչության թիրախ դառնանք, մեր պատասխանը մեղմ չի լինի»,-ասել է Բեննեթը:

Հիշեցնենք, որ Թուրքիայի և Իսրայելի միջև «Մավի Մարմարա» նավի միջադեպի հետևանքով կաթվածահարված հարաբերությունները կարգավորելու համար Իսրայելի վարչապետ Բենիամին Նեթանյահուն Թուրքիայի վարչապետ Ռեջեփ Թայիփ Էրդողանին էր զանգահարել և Իսրայելի անունից ներողություն էր խնդրել:

Ermenihaber.am