Սևակին սպանած թուրք զինվորը դատապարտվել է 4 տարի 5 ամսվա ազատազրկման

Հասարակական06:44, 27 Մարտ 2013

Սևակին սպանած թուրք զինվորը դատապարտվել է 4 տարի 5 ամսվա ազատազրկման

Թուրքական «Յենիշաֆաք» թերթը տեղեկացնում է, որ Դիարբեքիրի ռազմական դատարանը կայացրել է հայազգի զինվոր Սևակ Շահին Բալըքչըի սպանության գործով դատավճիռը: Բաթման նահանգի Քոզլուք շրջանի զորմասում զինծառայությունը ժամանակ Սևակը 2011թ. ապրիլի 24-ին` Հայոց ցեղասպանության զոհերի հիշատակի օրը, սպանվել էր զինծառայակից թուրք զինվորի` Քըվանչ Աղաօղլույի կողմից:

Զինվորական դատախազը, մարդասպանի դեմ առաջադրելով չկանխամտածված սպանության մեղադրանք, նրա համար դատարանից պահանջել էր 2-6 տարվա պատժաչափով ազատազրկում, իսկ զինջոկի հրամանատարը` ենթասպա Սադրեթին Էրսոզը, մեղադրվել է ցուցաբերած անփութության և պաշտոնական դիրքի չարաշահման մեջ: Նրա համար դատարանից պահանջվել է 6 ամսից մինչև 2 տարվա ազատազրկում:

Գործը քննող Դիարբեքիրի զինդատարանը մարդասպան Քըվանչ Աղաօղլույին դատապարտել է 4 տարի 5 ամսվա ազատազրկման: Իսկ Սադրեթին Էրսոզը դատապարտվել է 5 ամսվա պայմանական ազատազրկման:

Թուրքական պարբերականն ուշադրություն է հրավիրում «Նոր զարթոնք» նախաձեռնության հայտարարությանը, որում մասնավորապես, ասված է.

«Հայի սպանությունը հենց ապրիլի 24-ին առնվազն տարօրինակ է: Անհրաժետ է, որ այս տարօրինակ գործը քննության առնվի արդար դատարանի կողմից»:

Նշենք, որ Սևակի ընտանիքը սպանության դժբախտ պատահաբար լինելու վարկածին չի հավատում։ Սևակի մայրը՝ Անի Բալըքչըն, բազմիցս հայտարարել է, որ իր որդու սպանությունը դժբախտ պատահար որակելն ամոթ է:

Ermenihaber.am

Այս ենթաբաժնի վերջին նորությունները

15:54, 01 սեպ

Թուրքիան խաղաղության ինդեքսով աշխարհում 146-րդն է

«Անկախ Տնտեսության և Խաղաղության ինստիտուտը» հրապարակել է 2025 թվականի գլոբալ խաղաղության ինդեքսի զեկույցը, որտեղ ընդգրկված է 163 երկիր։

16:15, 29 օգոս

Թուրքիա մեկնող զբոսաշրջիկների թիվը կրճատվում է

Թուրքիայում օտարերկրյա այցելուների թիվը պակասել է ավելի քան 200.000, մինչդեռ Իսպանիայում ու Հունաստանում զբոսաշրջիկների թվի աճ է նկատվում:

12:05, 29 օգոս

Թուրքիայում գործազրկությունը 0.4%-ով նվազել է

«Թուրքիայի վիճակագրական ինստիտուտը» տվյալներ է հրապարակել 2025թ․ հուլիսի դրությամբ երկրի աշխատաշուկայում տիրող իրավիճակի վերաբերյալ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Էրդողանը գոհ է Հարավային Կովկասի շուրջ տեղի ունեցած վերջին իրադարձություններից

Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:

Կայացել է Փաշինյան-Էրդողան հանդիպում

Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում: