Իսրայելը Թուրքիայից ներողություն է խնդրել

Միջազգային18:44, 22 Մարտ 2013

Իսրայելը Թուրքիայից ներողություն է խնդրել

Թուրքական «Աքշամ» թերթի տեղեկացմամբ այսօր Թուրքիայի վարչապետի մամլո ծառայության տարածած հայտարարության մեջ նշվում է, որ Իսրայելի վարչապետ Բենյամին Նեթանյահուն հեռախոսազրույց է ունեցել Թուրքիայի վարչապետ Ռեջեփ Թայիփ Էրդողանի հետ:

Հայտարարության մեջ ներկայացված է նաև խոսակցության որոշ մանրամասներ, ըստ որոնց Նեթանյահուն հայտարարել է, որ բարձր է գնահատում հրեա և թուրք ժողովուրդների միջև դարերով եղած բարեկամական հարաբերությունները և ցավում է, որ այդ հարաբերությունները վերջին շրջանում ճգնաժամ են ապրում: Այնուհետև Նեթանյահուն Իսրայելի անունից ներողություն է խնդրել թուրք ժողովրդից «Կապույտ Մարմարա» նավի վրա իսրայելական զինուժի արձակած կրակոցների հետևանքով մահացած 9 թուրքերի համար: Նշվում է նաև, որ վարչապետ Էրդողանն էլ թուրք ժողովրդի անունից ընդունել է վերոնշյալ ներողությունը:

Տեղեկացվում է, որ երկու երկրների վարչապետները պայմանավորվել են նաև փոխհատուցման թեմայով համաձայնություն ձեռք բերելու մասին:

Թերթը ուշադրություն է հրավիրում այն հանգամանքի վրա, որ մինչ այս դեպքը Իսրայելը երբեք որևէ երկրից ներողություն չէր խնդրել:

Ermenihaber.am

Այս ենթաբաժնի վերջին նորությունները

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։