ERMENI HABER AJANSI

Երեկ Թուրքիայի Դիարբեքիր քաղաքում տեղի ունեցած Նովրուզի տոնակատարության ժամանակ կարդացվել է քրդերի առաջնորդ Աբդուլլահ Օջալանի` վերջին օրերին Թուրքիայում մեծ հետաքրքրությամբ սպասվող ուղերձը: Թուրքական «Սաբահ»  թերթի տեղեկացմամբ  5 էջից բաղկացած ուղերձը սկզբում կարդացվել է քրդերեն լեզվով, այնուհետև` թուրքերեն: Ուղերձի հիմնական պարբերությունները ներկայացվում է ստորև:

 «Այլևս ավարտվել է ճնշումների և ժխտողականության ժամանակաշրջանը: Միջին Արևելքի և Միջին Ասիայի ժողովուրդները արդեն արթնանում են ու վերադառնում իրենց ինքնությանն ու ծագմանը:Միմյանց դեմ կուրացնող, տառապանք պատճառող կռիվներին ուզում են վերջ դնել:

Հարյուր հազարավոր մարդիկ արդեն խաղաղություն են ուզում, հարցին լուծում են ուզում:

Մենք մեր կռիվը սկսել են ընդդեմ անճարության, անիրազեկվածության, ստրկության բռնությունների ու կեղեքումնեի: Այն նպատակ է ունեցել ստեղծել մի ընդհանուր ըմբռնում, ընդհանուր ոգի: Այժմ տեսնում եմ, որ հասել ենք այդ կետին:

Այսօր արդեն բոլորս գնում ենք դեպի նոր Թուրքիա, դեպի նոր Միջին Արևելք, դեպի նոր ապագա: Մի նոր ժամանակաշրջան է սկսվում: Քաղաքական պայքարց դուռ է բացվում դեպի ժողովրդավարական քաղաքականություն: Ժողովրդավարական իրավունքների, հավասարության դարաշրջան է սկսվում:     

Մեր պայքարն ապարդյուն չի անցել: Քուրդ ժողովուրդը ևս մեկ անգամ հասվ իր ինքնությանը:

Այժմ հասել ենք այն մակարդակին, երբ զենքերը պետք է լռեն, մտքերը` խոսեն: Այս կոչը լսող միլիոնավոր մարդկանց ասում եմ, որ արդեն նոր շրջան է սկսվում, որտեղ օրակարգում ոչ թե զենքն է լինելու, այլ` քաղաքականությունը:                                                                                                        

Եկել է ժամանակը, որ մեր զինված խմբերը դուրս գան երկրից:

Միջին Արևելքի ժողովուրդները արմատից նորից ծնվել ու ոտքի կանգնել են  ուզում:

Այս Նովրուզը թող բոլորիս ավետիս լինի»:

Ermenihaber.am