ERMENI HABER AJANSI

Ստամբուլահայ  հայտնի երգիչ Հայկո Ջեփքինի փաստաբանը, մեկնաբանելով վերջին օրերին տարածված այն լուրերը, թե իբր Հայկոն մարդ է ծեծել, հանդես է եկել հայտարարությամբ:

Հայտարարության մեջ նշվում է, որ փետրվարի 18-ին և դրան հաջորդող օրերին մամուլում և սոցիալական ցանցերում շրջանառվող այն տեղեկությունները, թե Հայկոն մարդ է ծեծել, չեն արտացոլում իրականությունը:

Հայտարարության մեջ մասնավորապես ասվում է.  «Փետրվարի 17-ին Ստամբուլի Բեյօղլու թաղամասում գտնվող զվարճանքի վայրերից մեկից դուրս գալու ժամանակ 2 հոգի մոտեցել են Հայկո Ջեփքինին և ցանկացել բարևել: Սակայն այդ պահին այս անձանց ընկերուհիներից մեկը, ով եղել է ալկոհոլի ազդեցության տակ, մոտենալով Հայկոյին ասել է. « Դու ո°վ ես որ», ապա դիմելով ընկերներին, հայհոյանքներ է հնչեցրել Հայկոյի հասցեին.

«Նա ...ի տղա է, իսկ դուք հայ վիժվածքի ձե՞ռքն եք սեղմում»:

 Այնուհետև նա հարձակվել է Հայկոյի վրա: Հայկոյի կողքին գտնվեղ ընկերները նրան հեռացրել են Հայկոյից: Այս քաշքշուքի ընթացքում ծայրաստիճան hարբած աղջիկը վայր է ընկել: Միջադեպի ընթացքում Հայկո Ջեփքինի կողմից վերոնշյալ անձի նկատմամբ ուժ չի գործադրվել և ոչ էլ վիրվորական խոսք է ասվել»:

Փաստաբանը նաև տեղեկացրել է, որ փետրվար 18-ին վերոնշյալ անկարգապահ աղջկա փաստաբանը զանգել է Հայկոյին և պահանջել 50.000 լիրա, այլապես իրենք  բողոք կներկայացնեն ոստիկանություն, մամուլում այս միջադեպի մասին աղմուկ կբարձրացնեն և կխոչընդոտեն Հայկոյի համերգները: Սակայն չկարողանալով փող շորթել Հայկո Ջեփքինից, նրանք բողոք են ներկայացրել  ոստիկանություն, որից հետո Ջեփքինի փաստաբանը շանտաժի և սպառնալիքի ապացույցները ներառող իրենց պահանջները ներկայացրել է իրավապահ մարմիններին:

Ermenihaber.am