Քանի դեռ «հայ» բառը Թուրքիայում հայհոյանք է

Հասարակական08:24, 26 Հունվար 2013

Քանի դեռ «հայ» բառը Թուրքիայում հայհոյանք է

Մարդու իրավունքների կազմակերպության Ստամբուլի գրասենյակի ներկայացուցիչները, վերջին ժամանակներս Սամաթիայում հայ տարեց կանաց նկատմամբ իրականացված հարձակումների առնչությամբ հանդես են եկել հայտարարությամբ:

Կազմակերպության՝ խտրականության և այլատյացության դեմ պայքարի հանձնաժողովը, զրուցել է տուժածների հարազատների, հարևանների և Սամաթիայի բնակիչների հետ ու կազմել զեկույց:

Մարդու իրավունքների կազմակերպության Ստամբուլի գրասենյակի նախագահ Մերալ Չըլդըրը ասել է, որ Սամաթիայի հայ բնակիչներն անհանգստացած են, որ այս հանցագործություններն ազգային խտրականության հողի վրա են կատարվում:
«Նրանք ասում են, որ այս հանցագործությունները կշարունակվեն այնքան ժամանակ, քանի դեռ «հայ» բառը որպես հայհոյանք է օգտագործվում»,-ասել է Չըլդըրը:
Չըդլդըրը տեղեկացրել է նաև, որ իրենց կողմից պատրաստված զեկույցը ներկայացվելու է Ներքին գործերի նախարարություն՝ պահանջելով չեղյալ համարել մասնավորապես Մարիցա Քյուչյուքի գործի վերաբերյալ գաղտնիության որոշումը և անցկացնել բաց ու թափանցիկ հետաքննություն, ինչպես նաև հաշվի առնել բոլոր հանցագործությունների միջև առկա կապը և անհապաղ այլատյացությունը հանցագործություն համարող օրենք ընդունել:

Նշենք, որ միայն վերջին 1 ամսվա ընթացքում, Սամաթիա թաղամասում հարձակման է ենթարկել 4 հայ կին և սեփական բնակարանում դաժանորեն սպանվել` 84-ամյա հայուհի Մարիցա Քյուչուքը: Կնոջ մարմնի վրա հայտնաբերվել էր դանակի 8 հարված:

Ermenihaber.am

Այս ենթաբաժնի վերջին նորությունները

12:51, 24 հուն

Թուրքիա մեկնած օտարերկրացիների մեջ 1-ին տեղում ադրբեջանցիներն են

Ադրբեջանցիներին հաջորդում են թուրքմենները (9.8%), ուզբեկները (7.6%), ռուսները (7.5%) և իրանցիները (5.9%)։

11:29, 24 հուն

Թուրքիայում կբացվի պաղեստինցի փախստականների աջակցության գրասենյակ

Համաձայնագիրը ստորագրվել է Ստամբուլում տեղի ունեցած «‎Իսլամական համագործակցություն»‎ կազմակերպության անդամ երկրների արտգործնախարարների խորհրդի նիստի շրջանակում։