Թուրք պատգամավորը Լոնդոնում խոսել է հայ-թուրքական հարաբերություններից

Քաղաքական06:55, 22 Հունվար 2013

Թուրք պատգամավորը Լոնդոնում խոսել է հայ-թուրքական հարաբերություններից

Ինպես հայտնում են թուրքական լրատվամիջոցները, Թուրքիայի ազգային մեծ ժողովի (ԹԱՄԺ-TBMM) արտաքին հարաբերությունների հանձնաժողովի նախագահ, իշխող «Արդարություն և զարգացում» կուսակցության (ԱԶԿ-AKP) պատգամավոր Վոլքան Բոզքըրը Լոնդոնում մասնակցել է «Թուրքիայի արտաքին քաղաքականությունը» խորագրով կոնֆերանսին:

Անդրադառնալով Անկարայի արտաքին քաղաքականության առանցքային հարցերին` թուրք պատգամավորը խոսել է նաև Հայաստան-Թուրքիա հարաբերությունների հեռանկարից: Ներկաներին տեղեկացրել է, թե իբր Թուրքիան շատ քայլերի է դիմում` Հայաստանի հետ հարաբերությունները կարգավորելու համար: Որպես օրինակ` մատնանշել է Հայոց ցեղասպանության հարցը պարզաբանելոււ համար անկախ հանձնաժողով ստեղծելու Անկարայի առաջարկը, որին հայկական կողմը դրական չարձագանքեց:

«Եթե Հայաստանն ասի, որ պատրաստ է լավ հարաբերություններ հաստատել, դա մեզ համար խնդիր չի լինի»,- ըստ թուրքական «Sondakika» լրատվական կայքի` ասել է Վոլքան Բոզքըրը:

Ermenihaber.am