Թուրքերի համագումարի ճգնաժամը Բելգիայում

Միջազգային12:45, 18 Մայիս 2012

Թուրքերի համագումարի ճգնաժամը Բելգիայում

Թուրքական լրատվամիջոցները դժգոհում են հայկական սփյուռքի ճնշումներից: Մանսավորապես Սոն դաքիքա» (Son dakika) լրատվական կայքը տեղեկացնում է, որ «Ազգայնական շարժում» կուսակցության (ԱՇԿ-MHP) ղեկավար Դևլեթ Բահչելին մեկնել է Եվրոպա` մասնակցելու Հոլանդիայում և Բելգիայում գումարվելիք թուրքական ֆեդերացիաների համագումարներին: Ըստ նախատեսվածի` Բահչելին պետք է ելույթ ունենար մայիսի 20-ին Բելգիայի Նամուր քաղաքում անցկացվելիք համագումարին: Բայց Նամուրի քաղաքապետարանը վերջին պահին չեղյալ է հայտարարել բացօթյա համաժողով անցկացնելու թույլտվությունը, որը պետք է կազմակերպվեր Նամուր քաղաքի Expo ցուցահանդես-վաճառքների համար նախատեսված հրապարակում:

Թուրքական մամուլի պնդմամբ` Նամուրի քաղաքապետարանի այդ վարքագիծը հայկական սփյուռքի գործադրած ճնշումների հետևանք է: «Հայկական սփյուռքը Բելգիայի իշխանությունների վրա ներգործել է «ԱՇԿ» առաջնորդ Դևլեթ Բահչելիի` Հայոց ցեղասպանությունը ժխելու, աջաթևյան ծայրահեղական և գորշ գայլ լինելու մասին քարոզչություններով»,- գրում է «Son dakika» կայքը: Արդյունքում թուրքերը որոշել են իրենց համագումարը կազմակերպել Բելգիայի մեկ այլ քաղաքում:

Հիշեցնենք, որ «ԱՇԿ»-ն իր ազդեցությամբ ու քաղաքական կշռով երկրորդ ընդդիմադիր ուժն է Թուրքիայում:

Այս ենթաբաժնի վերջին նորությունները

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։