Եվրոպայի քարտեզ, Ղարաբաղը` Հայաստանի կազմում

Միջազգային08:35, 17 Մայիս 2012

Եվրոպայի քարտեզ, Ղարաբաղը` Հայաստանի կազմում

Թուրքական «Beyazgazete» (Բեյազգազեթե) լրատվական կայքում հրապարակվել է վերջին հազար տարում Եվրոպայի քարտեզի փոփոխությունների մասին պատմող անիմացիոն տեսանյութ: Ուշագրավ է, որ այդ տեսանյութում Լեռնային Ղարաբաղի տարածքը թուրքական կայքը ներկայացվում է որպես Հայաստանի Հանրապետությանը պատկանող տարածքային միավոր:

Լրատվամիջոցը հակիրճ ներկայացնում էպատմական ակնարկ, ըստ որի, անտիկ շրջանի հունական ու հռոմեական քաղաքակրթություններն ավելի քան 1000 տարի ազդեցիկ լինելուց հետո իրենց տեղը զիջում են քրիստոնեական վարդապետությանը, որը վիթխարի ներգործություն ունեցավ եվրոպական մշակույթի վրա` սկսյալ 4-րդ դարից:

Միջնադարում, սակայն, Եվրոպան լճացում ապրեց: Մինչդեռ Մերձավոր Արևելքում և Ասիա մայրցամաքում զարգացում ապրեցին մի շարք քաղաքակրթություններ, որոնք առաջ անցան եվրոպականից: Վերածննդի դարաշրջանից հետո սկիզբ առած բարեփոխումները աստիճանաբար վերականգնեցին Եվրոպայի գերիշխող դիրքերը տնտեսական, ռազմական և տեխնոլոգիական տեսանկյունից: Դրանից օգտվելով եվրոպական զարգացած երկրները սկսեցին գաղութատիրական քաղաքականություն վարել այլ տարածաշրջաններում:

20-րդ դարում եվրոպական երկրները ստիպված եղան աշխարհի տնտեսական և ռազմական առաջատարությունը զիջել նոր գերտերությանը` Ամերիկայի Միացյալ Նահնագներին: Այդ ժամանակ արագընթաց աճ արձանագրվեց Ասիական որոշ երկրներում` Ճապոնիա, Կորեա, Չինաստան, Հնդկաստան: Դա ստիպեց եվրոպական երկրներին միավորվել, համախմբել ուժերը և ստեղծել Եվրոպական միություն (Եվրամիություն-ԵՄ):

Այս ենթաբաժնի վերջին նորությունները

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։