Թուրքերը ծաղրանկարում

Միջազգային12:51, 19 Ապրիլ 2012

Թուրքերը ծաղրանկարում

Թուրքական «Վաթան» (Vatan) օրաթերթի տեղեկացմամբ` Ֆրանսիայի Մոնթբելիարդ քաղաքի Անատոլ Ֆրանսի անվան միջնակարգ դպրոցում պատմության և աշխարհագրության դասաժամին ուսուցիչն աշակերտներին ցուցադրել է թուրքերի ցեղասպան անցյալի մասին պատմող ծաղրանկար և հարցրել, թե ինչպես են հասկանում այդ ծաղրանկարի իմաստը ու ինչու Թուրքիան չի կարողանում անդամակցել Եվրամիությանը:

Ծաղրանկարում պատկերված է եղել «Թուրքիա» պետությունը խորհրդանշող բեղավոր մի մարդ, որը կքված է մնացել մարդկային գանգոսկրերով լի պարկի տակ և հետ է մնացել դեպի լեռը բարձրացող մյուս մարդկանցից, որոնք ձգտում են հասնել լեռան գագաթին ծածանվող Եվրամիության դրոշին: Գանգոսկրերի վրա գրված է` Հայոց ցեղասպանություն:

Դասասենյակում գտնվող ազգությամբ թուրք երկու աշակերտներ դժգոհություն են հայտնել այդ կապակցությամբ և համառորեն ժխտել Հայոց ցեղասպանությունը որպես պատմական եղելություն: Իսկ նրանց ծնողներն այդ մասին բողոք են ներկայացրել ռասիզմի և իսլամաֆոբիայի դեմ պայքարող «COJEP» միջազգային միությանը` պահանջելով դատապարտել և միջամտել կատարվածին:

Այս ենթաբաժնի վերջին նորությունները

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։