Թուրքիայի թերությունը Ցեղասպանության ժխտումն է

Միջազգային11:36, 17 Ապրիլ 2012

Թուրքիայի թերությունը Ցեղասպանության ժխտումն է

Ըստ թուրքական մամուլի` հոլանդական ռադիոկայաններից մեկն անդրադարձել է Թուրքիայի նախագահ Աբդուլլահ Գյուլի` թուրք-հոլանդական կապերի հաստատման 400-ամյակի առթիվ ապրիլի 17-ին Հոլանդիա կատարելիք այցի շուրջ ծագած լարվածությանը:

Ռադիոեթերից մասնավորապես հաղորդվել է հետևյալը. «Թուրքիան մի շարք լուրջ թերություններ ունի. Քննադատական հոդվածներ հրապարակող լրագրողների բանտարկությունը, փոքրամասնությունների վրա ճնշման գործադրումը, Հայոց ցեղասպանության հերքումը: Բայց միևնույն ժամանակ Թուրքիան, շնորհիվ Քեմալ Աթաթուրքի առաջադիմական տեսլականի, կարողացավ այնքան խոհեմություն դրսևորել, որ դարձավ Արևմուտքի ռազմավարական դաշնակիցը, իսկ երկար տարիներ էլ ռազմական և դիվանագիտական համագործակցության մեջ էր Իսրայելի հետ»:

Հիշեցնենք, Գյուլի այցի դեմ համացանցային արշավ է սկսել Հոլանդիայում գործող «Ազատություն» կուսակցության նախագահ Գիրթ Վիլդերսը` ակտիվացնելով հակաթուրքական տրամադրությունները Հոլանդիայում: Վիլդերսը «Twitter»-ում «Գյուլ, մնա տանը» խորագրով քննարկում է բացել` գրելով. «Քրիստոնյաներին հալածող, քրդերի վրա հարձակվող, «Hamas»-ի հետ բարեկամացող իսլամիստ Գյուլը հանդուրժողականությունից է բողոքում: Այ քեզ թուրքական հումար»:

Այս ենթաբաժնի վերջին նորությունները

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։