Գերմանիայի արտգործնախարար. «Էրդողանի օրոք Թուրքիան երբեք ԵՄ անդամ չի դառնա»

Միջազգային06:42, 25 Օգոստոս 2017

Գերմանիայի արտգործնախարար. «Էրդողանի օրոք Թուրքիան երբեք ԵՄ անդամ չի դառնա»

Գերմանիայի արտգործնախարար Զիգմար Գաբրիելը հայտարարել է, որ Էրդողանի պաշտոնավարման ընթացքում Թուրքիան ոչ մի դեպքում չի կարող դառնալ Եվրամիության անդամ:

«BBC Türkçe»-ի համաձայն՝ գերմանական «Bild» թերթն տված հարցազրույցում Գաբրիելը մասնավորապես ասել է. «Առկա իրավիճակում ակնհայտ է, որ Թուրքիան երբեք չի կարող դառնալ Եվրամիության անդամ… Դրա պատճառն այն չէ, որ մենք չենք ցանկանում նրանց ընդունել, այլ այն, որ Թուրքիայի կառավարությունն ու Էրդողանը արագորեն հեռանում են Եվրոպայի որդեգրած արժեքներից»:

Գերմանիայի արտգործնախարարը տեսակետ է հայտնել նաև, որ Էրդողանը լուրջ չի ընդունում եվրաինտեգրման բանակցությունների գործընթացը:

Հիշեցնենք, որ ներկա պահին թուրք-գերմանական հարաբերությունները բավական կոնֆլիկտային փուլում են: Գերմանիան խստորեն դատապարտում է Թուքրիայում Գերմանիայի քաղաքացիների ձերբակալման և կալանավորման դեպերը, իսկ Թուրքիան մեղադրում է Գերմանիային՝ հեղաշրջման փորձի ենթադրյալ կազմակերպիչների հետապնդման գործում բավարար աջակցություն չցուցաբերելու համար:

Աղբյուր` Ermenihaber.am

Այս ենթաբաժնի վերջին նորությունները

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։