Միջազգային09:00, 03 Օգոստոս 2017
Yeni Akit. Մերկելը Եվրամիությունից պահանջում է դադարեցնել Թուրքիայի ֆինանսավորումը
Թուրքիայի Տնտեսական զարգացման հիմնադրամի տնօրեն Այհան Զեյթինօղլուն հայտարարել է, թե Գերմանիան ամեն ջանք գործադում է՝ Եվրամիության կողմից Թուրքիային տրամադրվող ֆինանսական օգնությունը սառեցնելու համար: Թուրքական իշխանամետ «Yeni Akit» թերթի կայքը այս մասին գրում է.
«Նախօրեին Անգելա Մերկելը նամակով դիմել էր Եվրահանձնաժողովին՝ Թուրքիայի նկատմամբ տնտեսական պատժամիջոցներ կիրառելու պահանջով: Սակայն հիասթափության արժանանալով՝ հիմա էլ պահանջում է իր առաջնորդած ԵՄ կառույցներից, որ դադարեցնեն ֆինանսավորումը»:
Աղբյուրի համաձայն՝ Եվրամիությունը մերժել է Թուրքիայի նկատմամբ տնտեսական պատժամիջոցներ կիառելու պահանջը՝ կարևորելով Թուրքիայի հետ հարաբերությունների շարունակականությունը:
Զեյթինօղլուն նշել է, որ ավելի վաղ ԵՄ-ի կողմից Թուրքիայի համար նախատեսված 4.5 մլրդ եվրոյից մինչ օրս թուրքական կողմը օգտագործել է միայն 190-200 մլն եվրոն:
«Գերմանիան ճնշում է գործադրում, որպեսզի մնացած մասը չօգտագործվի: Թուրքիային հատկացված ֆինանսական միջոցները սպառնալիքի տակ են», - հավելել է Զեյթինօղլուն:
Աղբյուրը հիշեցնում է, որ Գերմանիա-Թուրքիա հարաբերությունների վրա վերջին շրջանում հատկապես բացասական են ազդել երկու երկրների քաղաքացիություն ունեցող թուրք լրագրող, գերմանական «Die Welt» թերթի թղթակից Դենիզ Յուջելի, իսկ այնուհետև նաև գերմանացի իրավապաշտպան Պետեր Շթոյդների կալանավորումը:
Այս զարգացումներից հետո Գերմանիայի արտգործնախարար Զիգմար Գաբրիելը հայտարարել էր Թուրքիայի նկատմամբ տնտեսական պատժամիջոցների անհրաժեշտության մասին, նաև զգուշացրել էր Թուրքիայի մեկնել ցանկացող Գերմանիայի քաղաքացիներին: Գաբրիելը նաև նշել էր, որ Թուրքիայում վերջին շրջանում բուռն քննարկումների առիթ դարձած մահապատժի վերականգնումը կազդարարի Եվրամիության և Թուրքիայի հարաբերությունների ավարտը:
Այս ենթաբաժնի վերջին նորությունները
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Հայդար Ալթընթաշի համոզմամբ՝ Թուրքիան այսօր կանգնած է պատմական հնարավորության առաջ։
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |