Միջազգային07:50, 01 Օգոստոս 2017
Գերմանական վերջին ինքնաթիռը դուրս է բերվել Ինջիրլիք ռազմաբազայից
Գերմանիային պատկանող ռազմական ինքնաթիռներն արդեն դուրս են բերվել Ադանայի Ինջիրլիք ռազմաբազայից:
Ըստ թուրքական «Birgün.net» լրատվական կայքի՝ Գերմանիայի պաշտպանության նախարարությունը նախօրեին հայտարարություն է տարածել՝ տեղեկացնելով «Tornado» տեսակի վերջին՝ հինգերորդ ռազմական ինքնաթիռի Գերմանիա հասնելու մասին:
Նշվում է, որ «Իսլամական պետություն» ահաբեկչական կազմակերպության դեմ պայքարի նպատակով Թուրքիայի Ինջիրլիք ռազմաբազայում տեղակայված ինքնաթիռները մինչև հոկտեմբեր ամիս կմնան Գերմանիայում, այնուհետև կտեղափոխվեն Հորդանան: Այդ ժամանակահատվածում ավարտին կհասցվեն Հորդանանի Ալ-Ազրաք ռազմաբազայում ընթացող շինարարական աշխատանքներն ու այնտեղ կտեղափոխվեն ռազմական ինքնաթիռների սպասարկող անձնակազմն ու անհրաժեշտ տեխնիկան:
«Իսլամական պետություն» (ԻՊ) ահաբեկչական խմբավորման դեմ ձևավորված կոալիցիայի անդամ Գերմանիայի ռազմական ուժերը Թուրքիայում տեղակայվել էին 2015թ. դեկտեմբերի 10-ին:
Սակայն 2016թ. հունիսին Բունդեսթագի կողմից Հայոց ցեղասպանությունը ճանաչող բանաձևի ընդունումից հետո Թուրքիան արգելեց գերմանացի պատգամավորներին՝ այցելել Ինջիրլիքի իրենց զինվորականներին: Այս առթիվ ծագած կոնֆլիկտի համատեքստում Գերմանիան, ի վերջո, վճռեց Ադանայում գտնվող իր 260 զինվորականներին և ռազմական ինքնաթիռները տեղափոխել Հորդանան:
Այս ենթաբաժնի վերջին նորությունները
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Այդ մասին հայտնել է ՀՀ ԱԳՆ մամուլի խոսնակ Անի Բադալյանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |