Միջազգային08:20, 21 Հուլիս 2017
Գերմանիան կասեցնում է Թուրքիայի հետ բոլոր ռազմարդյունաբերական ծրագրերը
Գերմանիան որոշում է կայացրել առկախել Թուրքիայի հետ համատեղ ռազմարդյունաբերական նախագծերը: Այս մասին տեղեկացնում է թուրքական «Birgün» թերթի կայքը՝ հղում կատարելով գերմանական «Bild» պարբերականին:
Գերմանիայի կառավարությունը հրաժարվել է այս որոշման մասին որևէ պաշտոնական հայտարարություն կատարել, սակայն տեղեկատվությունը տարածվել է կառավարության մոտ կանգնած աղբյուրներից: Նշվում է, որ նախագծերի սառեցման պատճառը Թուրքիայում վեց իրավապաշտպանների կալանավորումն է, որոնց թվում է նաև գերմանացի Պետեր Շթոյդթները:
Հայտնի է, որ առկախման որոշումը կտարածվի ինչպես կողմերի միջև առկա ընթացիկ նախագծերի, այնպես էլ առաջիկայում սպասվող, դեռևս չմեկնարկած ծրագրերի վրա:
Աղբյուրի հավաստմամբ՝ Թուրքիայում Գերմանիայի քաղաքացիների կալանավորման, ինչպես նաև՝ գերմանական կազմակերպություններին ուղղված սպառնալիքների պատճառով դաշնային կառավարությունը վերանայում է Թուրքիայի հետ հարաբերությունները:
Հիշեցնենք, որ հուլիսի 5-ին Ստամբուլում ձերբակալված գերմանացի իրավապաշտպան Պետեր Շթոյդթների կալանավորումից հետո Գերմանիայի արտգործնախարար Զիգմար Գաբրիելը դադարեցրել էր արձակուրդը և անմիջապես վերադարձել Բեռլին:
Նա հայտարարել էր, որ Թուրքիայի հետ հարաբերություններում ցուցաբերվող համբերության բաժակն արդեն լցվել է, իսկ Թուրքիա մեկնել ցանկացող Գերմանիայի քաղաքացիներին զգուշացնող նոր կոչ էր արել: ԱԳ նախարարը նաև հորդորել էր ԵՄ-ին՝ վերանայել Թուրքիային տրամադրվող նյութական աջակցության հարցը, ինչպես նաև՝ ոչ ոքի չերաշխավորել Թուրքիային վարկեր տրամադրելու հարցում:
Այս ենթաբաժնի վերջին նորությունները
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Մոլդովայում գործունեություն է ծավալում 1200 թուրքական ընկերություն։
Նախարարները նաև համաձայնել են շարունակել նման ձևաչափով հանդիպումները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Նախատեսվում է, որ ատոմակայանի առաջին բլոկը կսկսի էլեկտրաէներգիա արտադրել 2026-ին։
Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |