Միջազգային08:40, 14 Հուլիս 2017
Չավուշօղլուն զգուշացնում է ԱՄՆ-ին. «Գյուլենականները կթունավորեն թուրք-ամերիկյան հարաբերությունները»
Թուրքիայի արտաքին գործերի նախարար Մևլութ Չավուշօղլուն ԱՄՆ-ին զգուշացրել է, որ գյուլենականները կթունավորեն թուրք-ամերիկյան դաշնակցային հարաբերությունները:
Թուրքական «Ahaber» լրատվական կայքի տեղեկացմամբ` Չավուշօղլուն տեսակամուրջի միջոցով մասնակցել է Վաշինգտոնում գտնվող «Թուրքական ժառանգության կազմակերպություն» կողմից կազմակերպված «Հուլիսի 15-ի հեղաշրջման փորձը. 1 տարի անց» խորագրով քննարկմանը:
Չավուշօղլուն խոսքում նշել է, որ «Ֆեթուլահականների ահաբեկչական կազմակերությունը» (FETÖ` Թուրքական իշխանություններն ու մամուլն այդպես են կոչում ամերիկաբնակ թուրք միլիարդատեր և իսլամի հայտնի քարոզիչ Ֆեթուլլահ Գյուլենի հիմնած կառույցը՝ գյուլենական համայնքը) կթունավորեն ոչ միայն երկու երկրների հարաբերությունները, այլ նաև ԱՄՆ-ն:
«Քանի որ մենք տեսել ենք նրանց (գյուլենականների՝ խմբ) իրական դեմքը, պետք է մեր բարեկամներին էլ զգուշացնենք»:
Ըստ Չավուշօղլուի՝ Գյուլենի հետևորդները հանուն իրենց շահի բոլոր տեսակի սկզբունքները լինի դա իրավական, կրոնական թե ազգային, շատ հեշտությամբ կարող են խախտել:
Նա ընդգծել է, որ հեղաշրջման փորձը կատարելիս՝ Գյուլենի հետևորդները նպատակ են ունեցել ոչ միայն ժողովրդավարական ճանապարհով ընտրված կառավարությունը տապալել, այլև միևնույն ժամանակ վերացնել Թուրքիայի Հանրապետության սահմանադրական կարգը:
Դիմելով քննարկման մասնակիցներին՝ արտաքին գերատեսչության ղեկավարն ընդգծել է, որ ինչպես գյուլենականների առաջնորդը, այնպես էլ կառույցը հասարակ անդամներն ապրում ու գործում են նրանց հետ միևնույն միջավայրում և հորդորել է նրանց չխաբնվել գյուլենականների քարոզչական հնարքներին:
«Պնդում են, թե Գյուլենը չափավոր իսլամի քարոզիչ է և պատրաստ է Արևմուտքի հետ համատեղ պայքարել ծայրահեղականության դեմ: Հեղաշրջման փորձի ժամանակ այս ահաբեկչական կազմակերպության ցուցադրած վայրագությունը բացահայտեց նրանց երկերեսանիություն»:
Այս ենթաբաժնի վերջին նորությունները
Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |