Իրավական08:14, 10 Հուլիս 2017
Թուրքիայի մեջլիսում նախատեսվում է պատիժ սահմանել «Հայոց ցեղասպանություն» և «Քուրդիստան» բառերի համար
Թուրքիայի իշխող «Արդարություն և զարգացում» (AKP-ԱԶԿ) և «Գորշ գայլերի» քաղաքական թևը համարվող «Ազգայնական շարժում» (MHP-ԱՇԿ) կուսակցությունները մշակել են 18 կետից բաղկացած մեջլիսի նոր ներքին կանոնադրության նախագիծ: Նպատակն այն է, որ խորհրդարանի կանոնադրությունը համապատասխանեցվի սահմանադրական փոփոխությունների հետ:
Ըստ թուրքական «Posta» թերթի՝ երկու կուսակցությունների ներկայացրած առաջարկի մեջ նշվում է, որ պատգամավորները խորհրդարանում «թուրք ազգի պատմությունն ու համատեղ անցյալը վիրավորող կամ մեղադրական պնդումներ» անելու դեպքում պատգամավորները կհամարվեն կագազանց և կպատժվեն ժամանակավոր հեռացումով և աշխատավարձի 2/3-ի չափով պահումով:
Ներկայացված առաջարկի տեքստում տրվում է նաև ազգ եզրույթի սահմանումը. «Ազգը պատմական գործընթացներում ձևավորված ընդհանուր արժեքների, ճակատագրի և ապագայի շուրջ համախմբված վերկրոնական և վերէթնիկ հանրույթն է»:
Ըստ այդ նախագծի՝ կպատժվեն նաև այն պատգամավորները, որոնք Թուրքիայի Հանրապետության սահմանադրությամբ և օրենքներով սահմանված վարչական բաժանումները և բնակավայրերը կանվանեն սահմանադրությանը և օրենքներին հակասող անուններով: Այս կետը նախագծի մեջ ընդգրկվել է ԱՇԿ-ի պահանջով և թիրախավորում է «Հայոց ցեղասպանություն» ու «Քուրդիստան» բառերը կիրառող պատգամավորներին:
Նոր կանոնադրությունը նախատեսում է նաև փոփոխել մեջլիսի նախագահի պարտադիր ֆրակ կրելու կետը: Մեջլիսի նախագահ Իսմայիլ Քահրամանի ցանկությամբ ավելացված կետով նախագահը և փոխնախագահները կարող են ֆրակի փոխարեն մուգ գույնի հագուստ կրել:
Մեկ այլ կետ էլ վերաբերում է պատգամավորների երդման արարողությանը: Ըստ այդ կետի՝ երդում չտվածները պատգամավոր չեն համարվի՝ չեն օգտվի պատգամավորին հատուկ իրավունքներից, աշխատավարձ չեն ստանա, նրանց խորհրդարանում գրասենյակ և օգնական չի տրամադրվի:
Այս ենթաբաժնի վերջին նորությունները
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |