Իրավական13:39, 06 Հուլիս 2017
Թուրքիայում ձերբակալվել են «Amnesty International» -ի ներկայացուցիչներն ու այլ իրավաբաններ
Ստամբուլում մի սեմինարի ընթացքում ձերբակալվել են մարդու իրավունքների ոլորտի մի շարք ակտիվիստներ: «Deusche Welle»-ի թուրքական ծառայության տեղեկացմամբ՝ «Amnesty International» միջազգային իրավապաշտպան կազմակեպությունը պահանջել է անմիջապես ազատ արձակել ձերբակալվածներին:
Կազմակերպության ներկայացրած տեղեկությունների համաձայն՝ ձերբակալվածների թվում են «Amnesty International»-ի Թուրքիայի բաժնի տնօրեն Իդիլ Էսերը և մի շարք իրավապաշտպան կազմակերպությունների ներկայացուցիչներ: Վերջիններիս գտնվելու վայրի մասին որևէ տեղեկություն հայտնի չէ, ընտանիքները ոստիկանության կողմից չեն ծանուցվել ձերբակալության վերաբերյալ, իսկ փաստաբաններին արգելվել է տեսակցել նրանց հետ:
«Amnesty International»-ի թուրքական բաժնի մամուլի պատասխանատու Օզգյուն Օզչերը թեմայի վերաբերյալ հետևյալ մեկնաբանությունն է արել. «Մեր տնօրենին և մյուս իրավապաշտպաններին թույլ չի տրվել հանդիպել իրենց փաստաբանների հետ: Ոչինչ չգիտենք նաև այն մասին, թե նրանք ինչում են մեղադրվում, ինչ մեղադրանք է առաջադրված»:
«Amnesty International»-ի գլխավոր քարտուղար Սալիլ Շեթին խստորեն դատապարտել է թուրքական իշխանությունների այս կամայական քայլը՝ նշելով, որ իրենք չափազանց բարկացած և անհանգստացած են տեղի ունեցածի պատճառով:
«Առանց որևէ մեկնաբանության իրավապաշտպանների այս ձերբակալությունը իշխանության չարաշահման դրսևորում է և ցույց է տալիս այն տխուր վիճակը, որի մեջ են գտնվում նաև այս երկրի իրավապաշտպանները: Մենք պահանջում ենք անմիջապես և առանց նախապայմանների ազատ արձակել Իդիլ Էսերին և մյուս ձերբակալվածներին»:
Կազմակերպությունը պահանջել է նաև հարցը բարձրացնել հուլիսի 7-ին Համբուրգում մեկնարկելիք «Մեծ քսանյակի» գագաթնաժողովի ժամանակ՝ Էրդողանից պահանջելով անմիջապես ազատ արձակել իրավապահներին:
Հիշեցնենք, որ հունիսի սկզբին Թուրքիայում ձերբակալվել էին նաև «Amnesty International»-ի Թուրքիայի բաժնի տնօրենների խորհրդի նախագահ Թաներ Քըլըչը և մի շարք այլ իրավաբաններ:
Այս ենթաբաժնի վերջին նորությունները
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Իսկ Հայաստանը մամուլի ազատության ցուցանիշով տարածաշրջանում բացարձակ առաջատարն է՝ զբաղեցնելով 43-րդ տեղը։
Լոգիստիկ կենտրոնի շնորհիվ Թուրքիան դարձել է աշխարհում 3-րդ երկիրը, որը սկսել է օգտագործել պահեստների կառավարման բարձր տեխնոլոգիական համակարգը:
Մասնավորապես նշվում է, որ Պաղեստինի վրա Իսրայելի հարձակումը հակասում է միջազգային և մարդու իրավունքերին
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |