Միջազգային09:30, 29 Հունիս 2017
Գերմանիան չի ցանկանում, որ Էրդողանն իր տարածքում միջոցառում անցկացնի
Թուրքիայի նախագահ Ռեջեփ Թայիփ Էրդողանը պաշտոնապես դիմել է Գերմանիայի իշխանություններին՝ տեղեկացնելով Համբուրգ այցի ընթացքում միջոցառում անցկացնելու ցանկության մասին:
Էրդողանը մեկնելու է Գերմանիա՝ մասնակցելու Համբուրգում հուլիսի 7-ից 8-ը կայանալիք G20-ի գագաթնաժողովին:
Թուրքական «Diken» լրատվական կայքը, հղում անելով գերմանական «DW» թերթին, տեղեկացնում է, որ պաշտոնական գրության մասին հայտնել է Գերմանիայի արտգործնախարար Սիգմուր Գաբրիելը:
«Երեկ Թուրքիայի նախագահից պաշտոնական դիմում ենք ստացել, որտեղ նա ցանկություն է հայտնել G20-ի գագաթնաժողովի շրջանականերում հանդիպել իր քաղաքացիների հետ»:
Նշվում է, որ Գերմանիան չի ցանցկանում, որ Էրդողանը որևէ միջացառում կազմակերպի:
Նման միջացառման անցկացմանը դեմ է արտահայտվել նաև Սոցիալ-դեմոկրատական կուսակցության կողմից վարչապետի թեկնածու Մարտին Շուլցը: Նա ընդգծել է, որ այն քաղաքական գործիչները որոնք, իրենց երկրներում ոտնահարում են եվրոպական արժեքները, չեն կարող Գերմանիայում կազմակերպել միջոցառումներ, որտեղ սադրիչ ելույթներ կունենան:
«Չեմ ցանկանում, որ նախագահ Էրդողանը, որը Թուրքիայում ընդդիմադիրներին և լրագրողներին բանտ է նետում, Գերմանիայում միջոցառում կազմակերպի»:
Շուլցն ընգծել է միջոցառման մերժման պատճառի հստակեցման անհրաժեշտությունը: «Այս հարցում կարևորը կետն այն է, որ Էրդողանն իր երկրի ներքին խնդիրները չտեղափոխի Գերմանիա»:
Հիշեցնենք, որ գարնանը Գերմանիան և մի շարք եվրոպական երկրներ թուրք պաշտոնյաներին արգելել էին իրենց տարածքում սահմանադրական փոփոխությունների հանրաքվեի քարոզարշավի անցկացնել ու ելույթներ ունենալ:
Այս ենթաբաժնի վերջին նորությունները
Նախարարները նաև համաձայնել են շարունակել նման ձևաչափով հանդիպումները։
Գագաթնաժողովի ընթացքում կքննարկվեն Մերձավոր Արևելքում վերջին զարգացումները։
Վերջին տարիներին Թուրքիան զգալիորեն մեծացրել է իր ազդեցությունն Աֆրիկայում՝ հատկապես էներգետիկայի, հանքարդյունաբերության և ենթակառուցվածքների ոլորտներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |