Տարածաշրջան07:47, 22 Հունիս 2017
Բարզանի. «Եթե Քուրդիստանի անկախության հանրաքվեն խոչընդոտեն, ապա պատերազմ կսկսվի»
Հյուսիսային Իրաքի քրդական ինքնավար շրջանի ղեկավար Մեսութ Բարզանին հայտարարել է, որ եթե որոշ ուժեր փորձեն խոչընդոտել Քուրդիստանի անկախության համար կայանալիք հանրաքվեն, ապա արյունալի պատերազմ կսկսվի:
Թուրքական «haberler.com» լրատվական կայքի՝ «France 24» հեռուստաընկերությանը տված հարցազրույցում Բարզանին հայտարարել է, որ անկախության հանրաքվեն այլևս չի հետաձգվելու:
Ֆրանսիական հեռուստաընկերությանը տված հարցազրույցում վերջինս մասնավորապես ասել է. «Սա անդառնալի որոշում է: Որոշումն արդեն կայացված է: Սեպտեմբերի 25-ը հանրաքվեի օրն է լինելու»:
Հանրաքվերի վերաբերյալ Թուրքիայի և Իրանի, ինչպես նաև ԱՄՆ-ի ու Եվրամիության բացասական արձագանքների մասին հարցին ի պատասխան՝ Բարզանին ասել է, որ մտահոգությունները հնչել են ոչ թե հանրաքվեի անցկացման, այլ դրան հաջորդող շրջանում հնարավոր զարգացումների վերաբերյալ:
Քուրդ քաղաքական գործիչը նշել է, որ տարածքային կառավարության և Իրաքի կենտրոնական կառավարության միջև առկա իրավիճակը չի կարող երկար շարունակվել. «Պետք է ամեն ինչ անենք արյունահեղությունից խուսափելու համար: Եթե պատերազմ սկսվի, այն շատ մահաբեր կլինի»:
Վերջում Բարզանին ևս մեկ անգամ զգուշացրել է, որ հանրաքվեի հետաձգման կամ այն խոչնդոտելու ցանկացած փորձ հանգեցնելու է քաոսային վիճակի ու արյունալի պատերազմի:
Հիշեցնենք, որ անկախության հանրաքվեի անցկացումը դատապարտել էր նաև Թուրքիայի նախագահ Ռեջեփ Թայիփ Էրդողանը: Նա նշել է, որ դա Թուրքիայի կողմից կդիտարկվի որպես Իրաքի տարածաքային ամբողջականության խախտում: Բացի դրանից նշել է, հաշվի առնելով տարածաշրջանի ներկայիս իրավիճակը , ոչ մեկին ձեռնտու չէ հանրաքվեի կայացումը:
Այս ենթաբաժնի վերջին նորությունները
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի պաշտպանության նախարարը նաև անդրադարձել է Հունաստանի կողմից 5-րդ սերնդի գերժամանակակից F-35 կործանիչներ գնելու վերաբրյալ հարցին։
Իսկ Հայաստանը մամուլի ազատության ցուցանիշով տարածաշրջանում բացարձակ առաջատարն է՝ զբաղեցնելով 43-րդ տեղը։
Լոգիստիկ կենտրոնի շնորհիվ Թուրքիան դարձել է աշխարհում 3-րդ երկիրը, որը սկսել է օգտագործել պահեստների կառավարման բարձր տեխնոլոգիական համակարգը:
Մասնավորապես նշվում է, որ Պաղեստինի վրա Իսրայելի հարձակումը հակասում է միջազգային և մարդու իրավունքերին
Պաղեստինյան «ՀԱՄԱՍ» խմբավորումը հաղորդագրություն է տարածել Արդարադատության միջազգային դատարան Իսրայելի դեմ հարուցված գործին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |