Պենտագոնի խոսնակ. «Ինջիրլիքի ռազմաբազան օգտագործվում է Ռաքքայի օպերացիայում»

Տարածաշրջան09:27, 07 Հունիս 2017

Պենտագոնի խոսնակ. «Ինջիրլիքի ռազմաբազան օգտագործվում է Ռաքքայի օպերացիայում»

Պենտագոնի խոսնակ գնդապետ Ջեֆֆ Դեվիսը հայտարարել է, որ Ինջիրլիք ռազմաբազան օգտագործվում է Ռաքքայի օպերացիայի շրջանակներում, որն այժմ գտնվում է «Իսլամական պետություն» (ԻՊ) ահաբեկչական կազմակերպության վերահսկողության տակ:

Ըստ թուրքական «Hurriyet» պարբերականի՝ նա այդ մասին հայտնել է մայիսի 6-ին կազմակերպված մամուլի ասուլիսի ժամանակ:

Միջանկյալ նշենք, որ ԱՄՆ-ի ղեկավարությունը Ռաքքայի գործողության մեջ որոշեց ընդգրկել նաև Սիրիայի քրդական ուժերին, ինչն էլ արժանացավ Թուրքիայի ղեկավարության դժգոհությանը, քանի որ պաշտոնական Անկարան Սիրիայի քրդական ուժերին համարում է ահաբեկչական կազմակերպության:

Ալբայը լրագրողների հետ զրոյցում անդրադարձել է նաև Թուրքիայի մտահոգություններին՝ նշյալ օպերացիայում Սիրիայի քրդական ուժերի մասնակցության վերաբերյալ:

«Մենք նրբանկատ ենք Թուրքիայի շահերի առումով: Մինչև հիմա մեր կողմից տրամադրված զենքերը բացառապես օգտագործվել են ԻՊ-ի դեմ: Իսկ Ինջիրլիքի ռազմաբազան օգտագործվում է ԻՊ-ի դիրքերի ուղղությամբ իրականացվող օդային գործողությունների ժամանակ»,-շեշտել է Պենտագոնի խոսնակը:

Աղբյուրը հիշեցնում է, որ մի քանի օր առաջ ամերիկյան ղեկավարությունը Թուրքիայի վարչապետ Բինալի Յըլդըրըմին իրազեկել է օպերացիայի նախապատրաստության մասին: Իսկ Թուրքիայի վարչապետն էլ ԱՄՆ-ին զգուշացրել էր, որ եթե Ռաքքայի գործողության ժամանակ քրդական ուժերը սպառնան Թուրքիայի անվտանգությանը, ապա իրենք կդիմեն համապատասխան գործողությունների:

Աղբյուր` Ermenihaber.am

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։