Գերմանիան զգուշացնում է. Թուրքիա մեկնելու դեպքում վերադարձի հնարավորություն կարող է չլինել

Միջազգային08:59, 16 Մայիս 2017

Գերմանիան զգուշացնում է. Թուրքիա մեկնելու դեպքում վերադարձի հնարավորություն կարող է չլինել

Գերմանիայի արտգործնախարարությունը (ԱԳՆ) Թուրքիա ուղևորվել ցանկացող իր քաղաքացիներին զգուշացնող հայտարարություն է տարածել: Թուրքական «Diken.com.tr» լրատվակայքի համաձայն՝ հայտարարությունը մասնավորապես ուղղված Թուրքիայի և Գերմանիայի երկքաղաքացիություն ունեցող այն անձանց, ովքեր մտադիր են մեկնել Թուրքիա:

Զգուշացրել է, որ Թուրքիայում ծագած որևէ խնդրի դեպքում Գերմանիայի հյուպատոսարանները, հնարավոր է, որ չկարողանան որևէ օգնություն ցուցաբերել:

Միաժամանակ ուշադրություն է հրավիրվել այն փաստի վրա, որ 2016թ. հեղաշրջման փորձից հետո հայտարարված արտակարգ դրության շրջանակներում հեղաշրջման փորձի կազմակերպման կամ Գյուլենական համայնքի հետ կապ ունենալու կասկածանքով քաղաքացիներին հաճախ արգելվեում է դուրս գալ երկրից: Ընդ որում, այդ մեղադրանքները կարող են ուղղված լինել նաև Թուրքիայի քաղաքացի չհանդիսացող անձանց:

ԱԳՆ-ի հայտարարությամբ հիշեցվել է նաև, որ 2017թ. առաջին քառորդում Գերմանիայի մի շարք քաղաքացիների առանց որևէ հիմնավորման արգելվել էր մուտք գործել Թուրքիա: Երկար ժամանակ ձերբակալված մնալուց հետո այդ մարդիկ հարկադրված էին եղել վերադառնալ Գերմանիա:

Հիշեցնենք, որ Թուրքիայի ներքաղաքական զարգացումների պատճառով Գերմանիան ավելի վաղ ևս պարբերաբար նմանատիպ հայտարարություններ է հրապարակել՝ ուղղված այդ երկիր մեկնել ցանկացող իր քաղաքացիներին: Վերջին այդպիսի զգուշացումը կատարվել էր ապրիլի 16-ի սահմանադրական փոփոխությունների հանրաքվեի օրերին՝ հնարավոր ցույցերից և ներքաղաքական լարվածություններից հեռու մնալու կոչով:

Աղբյուր` Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարտել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։