Թուրքիայում աշխատանք ունեցողների 39.3%-ը շաբաթական աշխատում է 50 ժամից ավելի

Տնտեսական08:03, 15 Մայիս 2017

Թուրքիայում աշխատանք ունեցողների 39.3%-ը շաբաթական աշխատում է 50 ժամից ավելի

Տնտեսական համագործակցության և զարգացման կազմակերպությանն (ՏՀԶԿ-OECD) անդամ երկրներում անձնական կյանքին ամենաքիչ ժամանակ են տրամադրում Թուրքիայի քաղաքացիները: Թուրքական «Sözcü» թերթի կայքի համաձայն՝ այս մասին հայտնի է դարձել OECD -ի հրապարակած «Ավելի լավ կյանքի ինդեքս» զեկույցից:

Ըստ այդմ՝ Թուրքիայում աշխատանք ունեցողների 39.3 տոկոսը շաբաթական ստիպված է աշխատել 50 ժամից ավելի: OECD անդամ 35 երկրներում շաբաթական 50 ժամից ավելի է աշխատում աշխատանք ունեցողների միայն 13 տոկոսը:

Արդյունքում այդ մարդիկ հանգստին, սնվելուն, քնին, ընտանիքին ու զվարճանքներին կարողանում են հատկացնել օրական ընդամենը 12.2 ժամ:

Այս ցուցանիշով Թուրքիան 35 երկրների ցանկում ամենավերջին հորիզոնականում է: Ցանկի առաջին հորիզոնականում Ֆրանսիան է, որտեղ մարդիկ օրական միջինում 16.4 ժամ են տրամադրում հանգստին, զվարճանքներին ու սոցիակալան շփումներին: Բացի Թուրքիայից չափից շատ աշխատող երկրներից են նաև Իսրայելը, Լատվիան և Մեքսիկան, որտեղ ևս աշխատողները օրական հանգստին տրամադրում են 14 ժամից քիչ ժամանակ:

Ընդհանուր առմամբ, OECD անդամ 35 երկրներում անձնական կյանքին հատկացվող ժամանակի օրական միջին ցուցանիշը 15 ժամն է կամ օրվա տևողության 62 տոկոսը: Թուրքիայում, փաստորեն, աշխատողները իրենց ազատ տնօրինության տակ ունեն օրվա 51 տոկոսը:

Աղբյուր` Ermenihaber.am

Այս ենթաբաժնի վերջին նորությունները

13:33, 28 օգոս

Թուրքիան էլեկտրաէներգիայի արտադրության մեջ ռեկորդային ցուցանիշ է գրանցել

Մասնավորապես նշվում է, որ էլեկտրաէներգիայի օրական արտադրությունը հասել է 1 մլն 250․000 մեգավատտ-ժամի, իսկ ընդհանուր արտադրությունը ՝ 36.7 մլրդ կիլովատտ-ժամի։

14:20, 27 օգոս

Կարս-Իգդիր-Արալըք-Դիլուջու երկաթգիծը կկառուցի թուրքական «Kalyon» հոլդինգը

Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։