Միջազգային11:43, 28 Ապրիլ 2017
Սեբաստիան Քուրցը առաջարկել է դադարեցնել Թուրքիայի եվրաինտեգրման բանակցությունները
Ապրիլի 28-ին Եվրամիության (ԵՄ) արտգործնախարարները ոչ պաշտոնական հանդիպում կունենան ԵՄ նախագահող երկիր Մալթայի մայրաքաղաք Վալետայում: Այս մասին տեղեկացնում է թուրքական «Hürriyet» թերթի կայքը:
Հանդիպման օրակարգում կլինի ապրիլի 16-ին Թուրքիայում կայացած սահմանադրական փոփոխությունների հանրաքվեի արդյունքների հնարավոր ազդեցությունը այս երկրի եվրաինտեգրման գորընթացի վրա: Քննարկման կդրվեն նաև 2016թ. հուլիսի 15-ին տեղի ունեցած հեղաշրջման փորձից հետո Թուրքիայում հայտարարված արտակարգ դրության սսահմաններում կառավարության կողմից ձեռնարկված միջոցառումներն ու սահմանափակումները: ԵՄ ԱԳ նախարարների նիստին կմասնակցի նաև Թուրքիայի արտգործնախարար Մևլութ Չավուշօղլուն:
Հանդիպումից առաջ Ավստրիայի ԱԳ նախարար Սեբաստիան Քուրցը տեսակետ է հայտնել, որ անհրաժեշտ է դադարեցնել Թուրքիայի հետ ԵՄ անդամակցության բանակցությունները՝ դրա փոխարեն կնքելով «հարևանության պայմանագիր»: Քուրցը նշել է, որ Թուրքիայի հետ հարաբերությունները պետք է շարունակել, սակայն ոչ Եվրամիության կազմում ընդգրկելու ճանապարհով: Միևնույն ժամանակ, ըստ ավստրիացի նախարարի, անհրաժեշտ է որոշակի սկզբունքներ սահմանել այդ երկրի հետ համագործակցության համար:
Հիշեցնենք, որ ԵՄ ընդլայնման հարցերով հանձնակատար Յոհաննես Հահնը ավելի վաղ հայտարարել էր, որ սահմանադրական փոփոխությունների փաթեթի հաստատումից հետո ավելի նպատակահարմար է աշխատել Թուրքիայի հետ հարաբերությունների նոր ձևաչափ մշակելու ուղղությամբ: ԵՄ անդամ մի շարք երկրներ հանդես են գալիս Թուրքիայի հետ ԵՄ անդամակցության բանակցությունների դադարեցման կոչերով, մինչդեռ մյուս անդամ երկրներն էլ մտավախություն ունեն, որ նման դեպքում Անկարան էլ ավելի կհեռանա օրենքներն ու մարդու իրավունքները հարգելուց:
Այս ենթաբաժնի վերջին նորությունները
Թուրքիային «BRICS»-ում տրվել է «գործընկեր երկրի» կարգավիճակ։
Նախօրեին Ֆրանսիայի արտաքին գործերի նախարարությունը հայտարարություն էր արել Թուրքիայում ընթացող դատական պրոցեսների վերաբերյալ։
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |