Միջազգային09:45, 27 Ապրիլ 2017
Բահչելին՝ մոնիտորինգի որոշման մասին. «ԵԽԽՎ-ն դեռ շատ թանկ կվճարի սրա համար»
Թուրքիայի ընդդիմադիր «Ազգայնական շարժում» կուսակցության (ԱԶԿ-MHP) նախագահ Դևլեթ Բահչելին անդրադարձել է Եվրոպայի Խորհրդի Խորհրդարանական Վեհաժողովի (ԵԽԽՎ)՝ Թուրքիային կրկին մոնիտորինգի ենթարկելու մասին որոշմանը: Թուրքական «Karar.com» լրատվակայքի տեղեկացմամբ՝ Բահչելին կարծիք է հայտնել, որ Թուրքիան հասել է մի շրջադարձային կետի, երբ անհրաժեշտ է բազմակողմանիորեն վերանայել Եվրոպայի հետ հարաբերությունները:
Ըստ ընդդիմադիր գործչի՝ «Եվրոպան անպատասխան չի մնա և շատ թանկ կվճարի Թուրքիային մերժելու և անհիմն մեղադրանքներ ներկայացնելու համար»:
Բահչելին հրապարակել է մի գրավոր հայտարարություն, որում ԵԽԽՎ որոշումը բնութագրել է որպես Թուրքիայի վերաբերյալ կանխակալ կարծիքի և հիվանդագին դիրքորոշումների արգասիք: Նա հայտարարել է, որ այդ որոշումն անարադար ու անհիմն է, հետևաբար Թուրքիայի համար այն «առ ոչինչ է»: Բահչելին մեղադրել է Եվրոպային՝ Թուրքիայի նկատմամբ թշնամական և ազգայնամոլական վերաբերմունք ցուցաբերելու մեջ:
«Ազգայնական շարժում կուսակցությունը լիովին կաջակցի կառավարության՝ Եվրոպայի հետ հարաբերությունների վերանայման արդյունքում ընդունած որոշումներին և ձեռնարկվելիք բոլոր քայլերին», - եզրափակել է ընդդիմադիր առաջնորդը:
Հիշեցնենք, որ ապրիլի 25-ին կայացած նիստում ԵԽԽՎ-ն հաստատել էր Թուրքիայում մոնիտորինգի գործընթացի վերսկսման մասին առաջարկությունը: Թուրքիան մոնիտորինգի էր ենթարկվել նաև 1996 - 2004 թթ. և աշխարհում առաջին երկիրն է, որտեղ մեկ անգամ դադարեցվելուց հետո ԵԽԽՎ մոնիտորինգը կրկին գործարկվել է:
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |