Թուրքիայի քաղաքներում բողոքի ակցիաներ են տեղի ունեցել հանրաքվեի արդյունքների դեմ

Հասարակական09:57, 17 Ապրիլ 2017

Թուրքիայի քաղաքներում բողոքի ակցիաներ են տեղի ունեցել հանրաքվեի արդյունքների դեմ

Ապրիլի 16-ին Թուրքիայում տեղի ունեցած սահմանադրական փոփոխությունների հանրաքվեի արդյունքներից դժգոհ քաղաքացիները Թուրքիայի մի շարք քաղաքներում բողոքի ակցիաներ են կազմակերպել:

Ըստ թուրքական «Haber.sol» լրատվամիջոցի՝ բողոքի ակցիաներ են կազմակերպվել Անկարայում, Իզմիրում, Ստաբուլի Քադիքյոյ Բաքըրքյոյ, Մալթեփե, Ուսքյուդար, Բեշիքթաշ և Շիշլի վարչական շրջաններում:

Թուրքական աղբյուրը նշում է, որ Քադիքյոյում կազմակերպված բողոքի երթի ժամանակ մարդիկ իրենց ձեռքերում պահել էին հակակառավարական մի շարք պաստառներ, որոնց վրա գրված է եղել «Հանցագործ, մարդասպան Էրդողան», «Թող տանջվի փադիշահը» «Այս ժողովուրդը չի հանդուրժելու քեզ»:

Բողոքարարները իրենց դժգոհությունն են արտահայտել նաև Թուրքիայի բարձրագույն ընտրական հանձնաժողովից, որը վավեր է ճանաչել չդրոշմված քվեարթերթիկները:

Հիշեցնենք, որ նախնական հաշվարկների համաձայն՝ հանրաքվեին կողմ էին քվեարկել մասնակիցների 51.41 տոկոսը, դեմ՝ 48.59 տոկոսը: Այլ կերպ ասած՝ քվեարկության իրավունք ունեցող 25 մլն 150.13 քաղաքացի կողմ է արտահայտվել սահմանադրական փոփոխություններին, իսկ 23 մլն 770.203 քաղաքացի՝ դեմ:

Աղբյուր` Ermenihaber.am

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։