Հասարակական08:34, 13 Ապրիլ 2017
Բեքչյանը մերժել է Աթեշյանի առաջարկը
Թուրքիայի Հայոց պատրիարքի տեղապահ Գարեգին արքեպիսկոպոս Բեքչյանը մերժել է պատրիարքի տեղապահի պաշտոնը զբաղեցնող Արամ արքեպիսկոպոս Աթեշյանի ներկայացրած առաջարկը: Այս մասին տեղեկացնում է «Ակօս» շաբաթաթերթը:
Բեքչյանը հիշեցրել է, որ նախորդ շաբաթ Աթեշյանից պահանջել էր գրավոր կերպով իրեն ներկայացնել պատրիարքի ընտրությունների շուրջ առաջացած թնջուկի լուծման սեփական տարբերակը, որը Աթեշյանը բանավոր կերպով հայտնել էր Բեքչյանի հետ հանդիպմանը:
Այդ հանդիպմանը մասնակցել էին նաև հոգևոր խորհրդի ատենապետ Սահակ եպիսկոպոս Մաշալյանը և Սուրբ Փրկիչ հիվանդանոցի հոգեբարձուների խորհրդի նախագահ Պետրոս Շիրինօղլուն:
Բեքչյանը Աթեշյանի առաջարկը լուսաբանող նամակում պատմել է, որ հանդիպումից 2 օր անց Արամ Աթեշյանը իրեն հրավիրել է Սուրբ Փրկիչ հիվանդանոց՝ հանգստյան կոչված Մեսրոպ 2-րդ պատրիարքի համար աղոթելու և միասնություն ապացուցելու համար լուսանկարվելու:
«Մինչդեռ ընդդիմադիր աղբյուրներից ինձ տեղեկություններ էին հասնում, որ Արամ արքեպիսկոպոսը մի արձանագրություն է պատրաստել, որը երկուսով պետք է ստորագրեինք և հրավիրել է մամուլի ներկայացուցիչների: Այսինքն ինձ ընդհանրապես այլ պատրվակով հիվանդանոց էին կանչում, իսկ իրական նպատակը այլ էր: Ընթերցողին եմ թողնում այս վարմունքի բնորոշման իրավունքը: Արամ Աթեշյանը, խոստմանը համաձայն, իրավիճակի մասին տեսակետները և լուծման տարբերակներ գրավոր կերպով ներկայանցելու փոխարեն, ցանկանում էր ինձ ստորագրել տալ մի արձանագրությունը, որը ըստ էության առ ոչինչ է համարում եկեղեցու գլխավոր խորհդրի կամքն ու որոշումը»:
Բեքչյանը նշել է, որ Արամ Աթեշյանի ներկայացրած տեքստը փորձում էր օրինականացնել Աթեշյանի՝ պատրիարքի փոխանորդի պաշտոնից չհրաժարվելու համառությունը:
Արամ Աթեշյանի պատրաստած արձանագրության մեջ նշվում է, որ Բեքչյանը ճանաչվում է, որպես ընտրված տեղապահ, սակայն իր իրավասությունները կստանձնի միայն պատրիարքի ընտրությունների գործընթացը սկսելուց հետո: Իսկ մինչ այդ կպաշտոնավարի Աթեշյանը՝ ղեկավարելով պատրիարքիանի՝ թե ներքին, թե արտաքին գործերը: Ընտրված տեղապահը չպիտի միջամտի ոչ հոգևորականների նշանակումներին, ոչ էլ համայանքում և եկեղեցում փոխանորդի որոշումներին:
Այս ենթաբաժնի վերջին նորությունները
Եթե դիտարկենք երկրի ընդհանուր բնակչության թիվը, ապա 2018թ. ծերերը կազմում էին քաղաքացիների 8.8%-ը, իսկ 2023-ին՝ արդեն 10.2%-ը։
Թուրքիայի Սինոպ քաղաքը համարվում է տարեց բնակչության ամենաբարձր ցուցանիշ ունեցող քաղաքը, իսկ ամենացածր ցուցանիշ ունեցող քաղաքը համարվում է Շըրնաքը։
Գյոլբաշ գյուղում առատ ձյան տեղումների և բքի հետևանքով բնակիչների տներն անցել են ձյան տակ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |