Միջազգային11:23, 11 Ապրիլ 2017
Թուրքիան արգելում է Նիդերլանդների քաղաքացիություն ունեցող անձանց ելքը երկրից
Թուրքիայի և Նիդերլանդների երկքաղաքացիություն ունեցող մի շարք անձանց հնարավորություն չի տրվում հեռանալ Թուրքիայից: Այս մասին հայտնի է դարձել Նիդերլանդների արտգործնախարարության կողմից արված հայտարարությունից:
«CNN Türk»-ի փոխանցմամբ՝ թուրքական իշխանությունները արգելել են երկրից դուրս գալ երկքաղաքացիություն ունեցող շուրջ մի քանի տասնյակ մարդու: Նրանցից շատերի դեպքում երկրից դուրս գալու արգելքը պատճառաբանվել է նրանով, որ նրանք կասկածվում են գյուլենական համայնքի հետ կապ ունենալու մեջ:
Երկքաղաքացիություն ունեցող անձանց առաջադրված կոնկրետ մեղադրանքները և նրանց ստույգ թիվը դեռևս հայտնի չէ: Նիդերլանդների արտգործնախարարության խոսնակի հայտարարության համաձայն՝ երկրից դուրս գալու արգելք է սահմանվել ամենաքիչը 10 անձի համար: Բայց որոշ տեղեկություններ կան այն մասին, որ նման խնդրի առաջ կանգնած մարդկանց թիվը հասնում է հարյուրի:
Հիշեցնենք, որ Թուրքիա-Նիդերլանդների հարբերությունները ներկայումս բավական լարված են: Պատճառն այն է, որ Նիդերլանդների կառավարությունը արգելել էր Թուրքիայում ապրիլի 16-ին կայանալիք սահմանադրական փոփոխությունների հանրաքվեին ընդառաջ նիդերլանդաբնակ թուրք համայնքի համար այս երկրում կազմակերպվելիք քարոզարշավը:
Կառավարությունը Թուրքիայի արտգործնախարար Մևլութ Չավուշօղլուին և ընտանիքի և սոցիալական հարցերով նախարար Ֆաթմա Բեթյուլ Սայան Քայային թույլ չէր տվել վայրէջք կատարել Նիդերլանդների տարածքում, իսկ ավելի ուշ ցամաքային ճանապարհով երկիր մուտք գործած Քայան արտաքսվել էր Նիդերլանդներից:
Այս ենթաբաժնի վերջին նորությունները
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Մոլդովայում գործունեություն է ծավալում 1200 թուրքական ընկերություն։
Նախարարները նաև համաձայնել են շարունակել նման ձևաչափով հանդիպումները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:
Ընդհանուր առմամբ Թուրքիայի ընտրողների 36.6%-ը իրեն քեմալիստ է համարում, 16․4%-ը՝ ազգայնական, 9․7%-ը՝ իսլամական:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |