Միջազգային08:44, 30 Մարտ 2017
Թուրքական իշխանությունների թիվ մեկ թշնամի Ֆեթուլլահ Գյուլենը տեղափոխվում է Կանադա
Թուրքիայում ահաբեկչական խմբավորում համարվող «գյուլենական համայնքի» (FETÖ) ղեկավար Ֆեթհուլլահ Գյուլենը պատրաստվում է տեղափոխվել Կանադա:
Թուրքական «Habertürk» լրատվակայքի փոխանցմամբ՝ այս մասին հայտնի է դարձել Թուրքիայի հետախուզական ծառայության կողմից կառավարությանը ներկայացրած վերջին զեկույցից: Ըստ դրա՝ Կանադա տեղափոխվելու նպատակով Գյուլենն իր մարդկանց պատվիրել է հնարավորինս արագ վաճառել Փենսիլվանիայում գտնվող իր կալվածքները:
Ըստ տեղեկությունների՝ Գյուլենը նաև պատվիրել է Թուրքիայում գտնվող իր կողմնակիցներին՝ ծայրահեղ քողարկված մնալ, նույնիսկ միմյանց հետ որևէ տեխնիկայի միջոցով կապի մեջ չլինել, իսկ անհրաժեշտության դեպքում անմիջապես լքել Թուրքիան և միանալ եվրոպական կառույցին: Թուրքիայի կառավարության ենթադրությամբ՝ Գյուլենը, հավանաբար, փորձ է անում Եվրոպայում նոր կառույց ձևավորել: Ըստ զեկույցի՝ ստացված տեղեկությունները վկայում են, որ այդ ուղությամբ իսկապես արդեն աշխատանքներ են տարվում: Հետախուզման մեջ գտնվող որոշ գյուլենականներ էլ, ըստ վարկածի, սկսել են ապաստան փնտրել աֆրիկյան երկրներում:
Զեկույցում տեղ են գտել նաև մանրամասներ 2016թ. հուլիսի 15-ի ձախողված հեղաշրջման մասին: Մասնավորապես, հեղաշրջման փորձից հետո Թուրքիայում գտնվող գյուլենականների ինքնախոստովանությունները կանխելու նպատակով ակտիվ աշխատանքներ են տարվել: Կառույցի ղեկավար դիրքերում գտնվողները կալանվորված գյուլենականների ընտանիքներին օգնություն են ցուցաբերել: Մասնավորապես, այդ ընտանիքներին ամսական 500-2.000 լիրա է տրամադրվել:
Այս ենթաբաժնի վերջին նորությունները
Ըստ այդ համաձայնագրի՝ Թուրքիան կամրապնդի դիրքերը Արևելյան Միջերկրականում ու նաև կպաշտպանի Հյուսիսային Կիպրոսի ինքնահռչակ թուրքական Հանրապետության (ՀԿԹՀ) շահերը։
Բանակցությունները տեղի կունենան հուլիսի 25-ին և կանցկացվեն փոխարտգործնախարարների մակարդակով։
Թուրքիայի տրանսպորտի և ենթակառուցվածքների նախարարը հայտնել է, որ Չինաստանից Եվրոպա մեկնող բեռնատար գնացքներն արդեն կանցնեն Թուրքիայով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Türkiye gazetesi. «Կքննարկվի Հարավային Կովկասում Հայաստանի ու Ադրբեջանի միջև ժամանակ առ ժամանակ աճող լարվածությունը»։
Մանրամասները ներկայացնում է «Hürriyet» թերթի լրագրող Աբդուլքադիր Սելվին:
Թուրքիայում անազատության մեջ գտնվող իրավապաշտպան և հասարակական գործիչն անդրադարձել է Թուրքիա-Հայաստան կարգավորման գործընթացին և Անիի կամրջի վերականգնմանը։
Մուհամմեդ Բաքը Քալիբաֆն ու Նուման Քուրթուլմուշը հանդիպել են Ժնևում կայացած «Աշխարհի խորհրդարանների ղեկավարների 6-րդ գագաթնաժողովի» շրջանակներում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |