Միջազգային13:57, 21 Մարտ 2017
Թուրքիան հայտարարել է Գերմանիայում նախատեսված քարոզչական միջոցառումները չեղարկելու մասին
Թուրքիայի կառավարող «Արդարություն և զարգացում կուսակցության» (AKP-ԱԶԿ) արտասահմանում ընտրական գործընթացը համակարգող կենտրոնը հայտարարել է Գերմանիայում նախատեսված քարոզչական միջոցառումների չեղարկման մասին: Ըստ թուրքական «Haberler.com» լրատվական կայքի` հայտարարության մեջ նշվում է, որ կառավարության որևէ անդամ ապրիլի 16-ին Թուրքիայում նախատեսված սահմանադրական փոփոխությունների հանրաքվեին ընդառաջ Գերմանիայի թուրքերի շրջանում քարոզչական միջոցառում չի իրականացնելու:
Հայտարարարությունից ժամեր առաջ էլ ԱԶԿ-ի` Հոլանդիայի քարոզարշավի պատասխանատու Մուսթաֆա Ասլանը տեղեկացրել էր Հոլանդիայում քարոզչական միջոցառումների չեղարկվելու մասին: Ասլանը նշել էր, որ Ամստերդամի կողմից Թուրքիայի ԱԳ նախարար Մևլութ Չավուշօղլուին վայրէջքի թույլտվություն չտրվելու ու ընտանեկան ու սոցիալական հարցերի նախարար Ֆաթմա Քայայի արտաքսվելու հետևանքով առաջացած ճգնաժամի պայմաններում Հոլանդիայում որևէ միջոցառում չի իրականացվելու:
Հիշեցնենք, որ օրեր առաջ Գերմանիան և Նիդերլանդները խոչընդոտել էին մի շարք թուրք քաղաքական գործիչների՝ ապրիլի 16-ին Թուրքիայում կայանալիք սահմանադրական փոփոխությունների հանրաքվեին ընդառաջ այս երկրներում քարոզարշավ իրականացնելու փորձերը: Գերմանիան նաև սահմանադրական դատարանի մակարդակով արգելել է իր երկրում թուրք քաղաքական գործիչների նմանատիպ ցանկացած գործունեություն:
Ավելին, Գերմանիան իր աջակցությունն է հայտնել նաև Հոլանդիային, որի կառավարությունը նույն արգելքն էր սահմանել Թուրքիայի արտգործնախարար Մևլութ Չավուշօղլուի և ընտանիքի ու սոցիալական հարցերով նախարար Ֆաթմա Բեթյուլ Սայամ Քայաի համար՝ վերջինիս արտաքսելով երկրից:
Այս ենթաբաժնի վերջին նորությունները
Մոլդովայում գործունեություն է ծավալում 1200 թուրքական ընկերություն։
Նախարարները նաև համաձայնել են շարունակել նման ձևաչափով հանդիպումները։
Գագաթնաժողովի ընթացքում կքննարկվեն Մերձավոր Արևելքում վերջին զարգացումները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անտառային հրդեհները դեռևս չի հաջողվում վերասհկողության տակ առնել, նույնսիկ չվերթներ են հետաձգվել։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |