Աթեշյանը մտադիր չէ հրաժարական տալ պատրիարքի փոխանորդի պաշտոնից

Հասարակական06:59, 17 Մարտ 2017

Աթեշյանը մտադիր չէ հրաժարական տալ պատրիարքի փոխանորդի պաշտոնից

Պոլսո հայոց պատրիարքի փոխանորդ Արամ արքեպիսկոպոս Աթեշյանը չի պատրաստվում հրաժարական տալ իր պաշտոնից:

Մարտի 15-ին անցկացվել են պատրիարքի տեղապահի ընտրություններ, որում հաղթել է Գերմանիայի հայոց թեմի առաջնորդ Գարեգին արքեպիսկոպոս Բեքչյանը: Ըստ փետրվարի վերջին Մայր Աթոռ Սուրբ Էջմիածնում ձեռք բերված պայմանավորվածության` տեղապահի ընտրություններից հետո փոխանորդը պետք է հրաժարական տար:

Աթեշյանի՝ հրաժարական չներկայացնելու համար առիթ է դարձել Ստամբուլի նահանգապետարանի միջամտությունը: Տեղապահի ընտրություններից անմիձապես հետո Աթեշյանը ներկաներին է հանձնել Ստամբուլի նահանգապետարանից ստացված մի գրություն, որտեղ նշվում է, որ պատրիարքի ընտրություններ անցկացնելը իրավականորեն հնարավոր չէ:

Ստեղծված իրավիճակի շուրջ «Ակօս» շաբաթաթերթը զրուցել է Աթեշյանի հետ: Նա հայտնել է, որ նահանգապետարանի միջամտության վերաբերյալ պատրիարքարանը հայտարարություն չի անի: Տեղապահ ընտրված արքեպիսկոպոս Բեքչյանի և կրոնական խորհրդի ատենապետ Սահակ եպիսկոպոս Մաշալանի դիտարկամանը, թե Աթեշյանի՝ պատրիարքի փոխանորդի պաշտոնից հրաժարական ներկայացնելու դեպքում խնդիրը կհանգուցալուծվի, Աթեշյանը պատասխանել է. «Հրաժարական տալու մտադրություն չունեմ»:

Արքեպիսկոպոսը հայտնել է, որ հրաժարական է տալիս «Հովակիմ 1461» հիմնադրամի նախագահի պաշտոնից՝ նշելով. «Այս հիմնադրամը ես ստեղծել էի հոգևորականներին օգնելու համար: Սակայն չափից շատ բամբասանքներ կան: Այդ պատճառով էլ հրաժարական եմ տալիս»:

Աղբյուր` Ermenihaber.am

Այս ենթաբաժնի վերջին նորությունները

16:45, 29 ապր

Թուրքիայում երեխան 2-րդ հարկից ընկել է աղբարկղի մեջ (Տեսանյութ)

Մի քանի րոպե անց մայրը նկատել է կատարվածը և դուրս է բերել նրան աղբարկղից:

16:24, 25 ապր

Թուրքիան ներառվել է աշխարհի ամենածեր երկրների թվում

Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:

14:40, 22 ապր

2025թ. սկզբին Թուրքիա ամենամեծ թվով զբոսաշրջիկներ մեկնել են Իրանից ու Ռուսաստանից

Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։