Ցեղասպանություն07:18, 15 Մարտ 2017
Քյոլնում Ցեղասպանության հիշատակին նվիրված հուշարձան կկանգնեցվի
Գերմանիայի Քյոլն քաղաքում Հայոց ցեղասպանության հուշարձան կկառուցվի: Այս մասին տեղեկացնում է թուրքական «Milliyet» լրատվական կայքը՝ ուշադրություն հրավիրելով այն հանգամանքի վրա, որ Հայոց ցեղասպանությանը նվիրված հուշակոթողի մասին որոշումը կայացվեց հենց հիմա, երբ թուրք-գերմանական հարաբերությունները հատկապես լարված են:
Քյոլնի քաղաքային խորհրդի գլխավոր հանձնաժողովի որոշմամբ՝ հուշարձանը կկանգնեցվի «Lehmbacher Weg» գերեզմանատանը: Ի դեպ, նշենք, որ այս գերեզմանատանն առկա է նաև մահմեդականների գերեզմաններ:
Ցեղասպանության հիշատակին նվիրված հուշարձանի նախագծի առաջարկն արվել է դեռևս 2015 թվականին՝ Քյոլնի շուրջ 5.000 հոգանոց հայ քրիստոնյա համայնքի կողմից: Համապատասխան դիմումը նախ ներկայացվել է Քյոլնի բնապահպանության հանձնաժողովին, իսկ այնուհետև՝ բողոքարկման հանձնաժողովին: Հանձնաժողովի կողմից ստացված դրական պատասխանից հետո հարցը բերվել էր քաղաքային խորհրդի գլխավոր հանձնաժողովի օրակարգ:
Քյոլնի թուրքական համայնքը դժգոհությամբ է ընդունել այս որոշումը: Համայնքի առաջատար ներկայացուցիչներից Լևենթ Թաշքըրանը նշել է, որ իրենք երկու տարի շարունակ պայքարել են, որպեսզի Հայոց ցեղասպանության հուշարձանի վերաբերյալ որոշումը չհաստատվի: Թաշքըրանը կրկին խոսել է «ընդհանուր վշտի» մասին Թուրքիայի պաշտոնական թեզի դիրքերից՝ Քյոլնի քաղաքապետարանի որոշումը վիրավորական համարելով տեղի թուրք համայնքի համար:
Հայտնի է, սակայն, որ Հայոց ցեղասպանության հիշատակին նվիրված հուշարձանի մասին որոշումը վերջնական է և որևէ այլ կառույցի կողմից հաստատման կարիք չունի:
Հիշեցնենք, որ օրեր առաջ Գերմանիան և Նիդերլանդները խոչընդոտել էին մի շարք թուրք քաղաքական գործիչների՝ ապրիլի 16-ին Թուրքիայում կայանալիք սահմանադրական փոփոխությունների հանրաքվեին ընդառաջ այս երկրներում քարոզարշավ իրականացնելու փորձերը: Գերմանիան նաև սահմանադրական դատարանի մակարդակով արգելել է իր երկրում թուրք քաղաքական գործիչների նմանատիպ ցանկացած գործունեություն:
Ավելին, Գերմանիան իր աջակցությունն է հայտնել նաև Հոլանդիային, որի կառավարությունը նույն արգելքն էր սահմանել Թուրքիայի արտգործնախարար Մևլութ Չավուշօղլուի և ընտանիքի ու սոցիալական հարցերով նախարար Ֆաթմա Բեթյուլ Սայամ Քայաի համար՝ վերջինիս արտաքսելով երկրից:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Հայկական ծագումով ամերիկացի լրագրողի այն հարցին, թե ինչու ոչ մի վարչապետ չի ճանաչել ցեղասպանությունը, Նեթանյահուն պատասխանել էր. «Ես հենց նոր ճանաչեցի»:
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |