Հոլանդացի քաղաքական գործիչը՝ Չավուշօղլուին. «Հեռու մնա մեր երկրից»

Միջազգային13:09, 09 Մարտ 2017

Հոլանդացի քաղաքական գործիչը՝ Չավուշօղլուին. «Հեռու մնա մեր երկրից»

Հոլանդիայի Ռոտերդամ քաղաքում չեղարկվել է Թուրքիայի արտաքին գործերի նախարար Մևլութ Չավուշօղլուի մասնակցությամբ տեղի ունենալիք «Այո սահմանադրական բարեփոխումներին» խորագրով հանրահավաքը:

Թուրքական «Milliyet» պարբերականը, հղում անելով հոլանդական «ANP» լրատվական գործակալությանը, նշում է, որ որպես չեղարկման պատճառ Ռոտերդամի քաղաքապետ Ահմեթ Էբութալիբ նշել է այն փաստը, որսրահի սեփականատերը հրաժարվել է տարածք տրամադրելուց:

Ըստ թուրքական «Yeniakit» թերթի կայքի էլ` ավելի վաղ Հոլանդիայում Չավուշօղլուի կողմից քարոզարշավ իրականացնելու դեմ արտահայտվել էր Հոլանդիայի «Ազատություն» կուսակցության ղեկավար Գեերթ Վիլդերսը: Նրա կուսակիցները Հաագայում Թուրքիայի դեսպանատան առջև բողոքի ակցիա էին կազմակերպել, որի ընթացքում ցուցապաստառների վրա թուրքերեն և հոլանդերեն գրված է եղել «Հեռու մնա, սա մեր երկիրն է»:

Վիլդերսը լրագրողների հետ ասել էր, որ իրենք թույլ չեն տա, որպեսզի թուրք նախարարները Հոլանդիայում Թուրքիայի ներկայիս վարչակազմի համար քարոզչություն անեն: Նա նաև ցանկություն է հայտնել, որ թուրք նախարարները մինչև ապրիլի 16-ը Հոլանդիայում հայտարարվեն «անցանկալի անձինք»:

Աղբյուր` Ermenihaber.am

Այս ենթաբաժնի վերջին նորությունները

13:30, 21 օգոս

Զելենսկի-Պուտին հանդիպումը կարող է կայանալ Թուրքիայում

Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։