Սիրիայում ռուսական ինքնաթիռի սխալ հարվածից 3 թուրք զինվոր է սպանվել

Տարածաշրջան06:31, 10 Փետրվար 2017

Սիրիայում ռուսական ինքնաթիռի սխալ հարվածից 3 թուրք զինվոր է սպանվել

Նախօրեին Սիրիայի ալ-Բաբ քաղաքի մոտակայքում ռուսական օդուժը հարվածել է թուրքական ջոկատի հենակետին, ինչի հետևանքով 3 թուրք զինվոր սպանվել է, 11-ը՝ վիրավորվել:

Թուրքիայի զինված ուժերի գլխավոր շտաբի տարածած հայտարարության մեջ ասվում է, որ փետրվարի 9-ին Ռուսաստանի Դաշնության ռազմական օդանավը «Իսլամական պետություն» (ԻՊ) ահաբեկչական կազմակերպության դիրքերը ռմբակոծելիս սխալմամբ հարվածել է թուրք զինվորների հետնակետին:

Դեպքի կապակցությամբ ՌԴ բարձրաստիճան ղեկավարները զանգահարել են թուրք պաշտոնակիցներին ու հայտնել իրենց ցավակցությունները:

Ըստ «CNNTurk» լրատվական կայքի` Ռուսաստանի նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ ու ափսոսանք հայտնել տեղի ունեցածի համար: Նշվում է, որ հեռախոսազրույցի ժամանակ 2 նախագահները քննարկել են նաև ահաբեկչության դեմ պայքարը, մասնավորապես` Սիրիայում իրականացվող գործողությունների ընթացքը:

Ռուսաստանի ԶՈւ ԳՇ պետ Վալերի Գերասիմվն էլ հեռախոսազրույց է ունեցել թուրք գործընկերոջ՝ Հուլուսի Աքարի հետ` նույնպես ափսոսանք ու ցավակցություն հայտնելով թուրքական կողմին:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

Քրդերի ռազմաքաղաքական կառույցը վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։