Իրավական08:09, 10 Փետրվար 2017
2016թ. Թուրքիայում պայթյունների հետևանքով զոհվել է 41, զինված բախումներում՝ 22 երեխա
Թուրքիայի «Մարդու իրավունքների միությունը» (İHD) 2016թ. երեխաների իրավունքների խախտումների վերաբերյալ զեկույց է հրապարակել: Թուրքական «Demokrat Haber» լրատվակայքի փոխանցմամբ՝ զեկույցում արձանագրվել է, որ նախորդ տարի Թուրքիայի արևելյան և հարավարևելյան շրջաններում զինված բախումների ընթացքում զոհվել է 22, իսկ պայթյունների հետևանքով՝ 41 երեխա:
Միության Դիարբեքիրի մասնաճյուղի կողմից կազմված զեկույցի համաձայն՝ անվտանգության ուժերի կողմից զենքի կիրառման իրավունքի չարաշահման հետևանքով անցյալ տարի զոհվել է 5 երեխա: Բացի այդ՝ զինված բախումների ընթացքում վիրավորվել է 12 երեխա, ևս 3 երեխա տարբեր վիրավորումներ է ստացել ահաբեկչական պայթյունների հետևանքով:
2016թ. Թուրքիայի նշված շրջաններում ձերբակալվել է 150, ազատազրկվել՝ 40 երեխա, առնվազն 6 երեխա ենթարկվել է կտտանքների:
Փաստաբան Էրջան Յըլմազի խոսքով՝ անհայտ անձանց կողմից կատարված հարձակումների, ականների կամ առանց վերահսկման թողնված պայթուցիկ նյութերի գործարկման, սխալմունքի կամ անփութության, ինքնասպանությունների հետևանքով կամ նմանատիպ այլ պայմաններում նախորդ տարի զոհվել է 40, վիրավորվել՝ 49 երեխա:
Ընտանեկան բռնությունների հետևանքով 2016թ. զոհվել է 10 երեխա, վիրավորվել՝ 2-ը: Եվս 114 երեխա տարբեր պայմաններում շահագործման է ենթարկվել: Փաստաբանը ուշադրություն է հրավիրել նաև այն հանգամանքին, որ փողոց դուրս գալու արգելքի պայմաններում, ինչպես նաև ներքաղաքական լարվածությունների ժամանակ երեխաների նկատմամբ շատ վատ վերաբերմունք է ցուցաբերվել:
Նա նշել է, որ երեխաների կյանքի իրավունքի հետ կապված խախտումների անպատժելիությունը ավելի է քաջալերում հանցագործությունը կատարող ուժերին և նպաստում նմանատիպ հանցագործությունների շարունակականությանը:
Այս ենթաբաժնի վերջին նորությունները
Ցածր գնահատականի պատճառով հարձակման ենթարկված դասախոսը ստացել է թեթև մարմնական վնասվածք՝ գլխի հատվածում:
Ձերբակալված աղջիկը նշել է, որ իր արձագանքը սխալ է հասկացվել և ինքը չի հայհոյել։
Թուրքական ԱԹՍ-ներով իրականացված հարձակման ընթացքում սպանվել է 23 մարդ, որից 14-ը երեխա, 5-ը կին և 4-ը տղամարդ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օմեր Չելիքն արձագանքել է Իսրայել Կացին՝ նրան անվանելով «ցեղասպան կառույցի խոսնակ»։
Այս մասին հայտնում է իսրայելական «iShip Forwarding» բեռնափոխադրող ընկերությունը։
Լիոնում Թուրքիայի գլխավոր հյուպատոսի ցուցամատով անհասկանալի ժեստը քննադատության է արժանացրել իշխող ԱԶԿ-ական պատգամավորը:
Ռազմգործողությունից առաջ Իրաքը Պակիստանից գնելու է 12 միավոր ռազմական ինքնաթիռ։
Ցածր գնահատականի պատճառով հարձակման ենթարկված դասախոսը ստացել է թեթև մարմնական վնասվածք՝ գլխի հատվածում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |