Թուրքիայի օդուժի հարվածներից 24 ժամում 88 խաղաղ բնակիչ է զոհվել. Սիրիայի մարդու իրավունքների մշտադիտարկման կենտրոն

Տարածաշրջան08:50, 23 Դեկտեմբեր 2016

Թուրքիայի օդուժի հարվածներից 24 ժամում 88 խաղաղ բնակիչ է զոհվել. Սիրիայի մարդու իրավունքների մշտադիտարկման կենտրոն

Սիրիայի մարդու իրավունքների կենտրոնը հայտարարել է Սիրիայում թուրքական օդուժի կողմից իրականացված ռմբակոծության հետևանքով 88 խաղաղ բնակչի զոհվելու մասին:

Թուրքական «Diken.com.tr» կայքը, հղում անելով «Reuters» գործակալությանը, գրում է, որ 72 մարդ զոհվել է երեկվա, ևս 16-ը այսօրվա ռմբահարումների հետևանքով. նրանցից 24-ը երեխաներ են:

Նշենք, որ Սիրիայի հյուսիսում «Իսլամական պետություն» (ԻՊ) ահաբեկչական կազմակերպության դեմ Թուրքիայի նախաձեռնած «Եփրատի վահան» կոչվող ռազմագործողության շրջանակներում երեկ տեղի ունեցած բախումներում զոհվել էր 18 թուրք զինվորական:

Մոտ 4 ամիս առաջ «Սիրաիական ազատ բանակ» կոչվող զինված ընդդիմադիր խմբավորման հետ նախաձեռնած ռազմական գործողության ընթացքում, ըստ պաշտոնական տվյալների, մինչ այս պահը զոհվել է թուրքական բանակի 37 զինծառայող:

Երեկ էլ ԻՊ-ի համացանցային ռեսուրսները տարածել են մի սահմռկեցուցիչ տեսանյութ, որտեղ ցուցադրվում է, թե ինչպես են ահաբեկիչները ողջ-ողջ այրում գերի վերցրած 2 թուրք զինվորի:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

Քրդերի ռազմաքաղաքական կառույցը վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։