Ռուսաստանի, Իրանի և Թուրքիայի արտգործնախարարները եռակողմ հանդիպում կանցկացնե Մոկսվայում

Միջազգային08:07, 19 Դեկտեմբեր 2016

Ռուսաստանի, Իրանի և Թուրքիայի արտգործնախարարները եռակողմ հանդիպում կանցկացնե Մոկսվայում

Դեկտեմբերի 20-ին` Մոսկվայում Ռուսաստանի Դաշնության (ՌԴ), Իրանի Իսլամական Հանրապետության (ԻԻՀ) և Թուրքիայի արտգործնախարարները ծրագրում են հանդիպում անցկացնել Սիրիայի հարցով:

Թուրքական «Haberler» լրատվամիջոցը, հղում անելով ռուսական «Tass» լրատվական գործակալությանը, նշում է, որ այս մասին հայտնել է Ռուսաստանի փոխարտգործնախարար և Վլադիմիր Պուտինի՝ Մերձավոր Արևելքի ու Աֆրիկայի երկրների հարցերով հատուկ ներկայացուցիչ Միխայիլ Բոգդանովը

«Դեկտեմբերի 20-ին Մոսկվայում ծրագրվում է անցկացնել եռակողմ հանդիպում: Ռուսաստանի արտգործնախարար Սերգեյ Լավրովը հեռախոսազրույց է ունեցել Թուրքիայի և Իրանի իր գործընկերների հետ: Նրանք էլ ողջունել են հանդիպում անցկացնելու գաղափարը»:

Նա հավելել է, որ նման հանդիպման կազմակերպման վերաբերյալ ավելի վաղ քննարկումներ էին տեղի ունեցել: Բոգդանովի խոսքերով` Սիրիայի հարցով եռակողմ հանդիպում անցկացնելը անհրաժեշտություն է: Պետք է նպաստել, որ Սիրիայում մարտնչող կողմերը նստեն բանակցային սեղանի շուրջ և պայմանավորվեն կրակի դադարեցման, ինչպես նաև հումանիտար օգնության հարցում, քանի որ այդ ամենը բխում է ՄԱԿ-ի սկզբունքներից:

Աղբյուր` Ermenihaber.am